小朋友是未來的希望，但不是每個小朋友都可以順利地健康成長。6歲女孩周天瑜在2018年確診患上橫紋肌肉瘤，接受化療後情況一度好轉；前年5月，天瑜於瑪麗醫院切除腫瘤，手術期間發生醫療事故，令天瑜全身癱瘓變成植物人。周天瑜的爸爸一直沒有放棄女兒的治療，對她的康復抱持希望。日前爸爸讓女兒聽姜濤《蒙著嘴說愛你》MV的短片在網上廣傳，姜濤本人知悉後親自私訊天瑜爸爸，為天瑜和爸爸加油打氣，更承諾若條件許可會親自探望周天瑜，令大家十分感動。
天瑜聽到姜濤的歌後，竟然岀現這樣的反應……
請耐心看完！#姜濤
#蒙著嘴說愛你
#天瑜想唱歌Posted by 天瑜醫療事故關注組 on Friday, 14 January 2022
昨日姜濤在知道周天瑜小朋友聽了他的歌曲後出現罕有的反應，他特意把「天瑜醫療事故關注組」的帖文截圖，讓天瑜家人知悉他已看到天瑜聽他歌曲的短片。而他又在IG story發放了打氣說話和感言：
姜濤為周天瑜打氣：我想親口唱呢隻歌畀你聽！
姜濤在IG story中說：「Hello天瑜同埋天瑜爸爸，我睇到你哋嗰段片，我都唔知道係咪真係因為我嘅歌令到天瑜有好到……如果係嘅話，我真係好開心。我唔知可以幫到你哋嘅乜嘢。好想錄段片同你哋講：你哋一定要加油！我知道天瑜爸爸都好辛苦，照顧天瑜照顧咁耐。希望天瑜快啲好番，姜濤哥哥有時間我一定睇下可唔可以嚟探到你，你快啲好返，咁我就可以親口唱隻歌畀你聽！希望你哋加油！」
窩心私訊留言：姜濤哥哥要佢真係快啲好番！
其後在昨日凌晨，天瑜爸爸在facebook群組「天瑜醫療事故關注組」分享了姜濤給他的私訊，姜濤在私訊中說：「Hello天瑜爸爸我係姜濤，我喺網上知道咗你個女嘅消息，亦都真係覺得好希望你哋一定要加油！我唔知我可以幫到你哋嘅乜嘢，但係我都知道爸爸希望多啲人知道天瑜嘅事情。其實我好想嚟睇下天瑜、探下佢。聽到晒天瑜爸爸嘅訪問、一啲關於你哋嘅新聞。如果可以幫到你嘅話，我都真係冇做啲乜嘢，純粹真心地想同你哋打氣、鼓勵。希望疫情好番嗰邊醫院可以探病的話，你就同我講，我都會同公司講，如果OK我都想過嚟……希望你幫我同天瑜講，姜濤哥哥要佢真係快啲好番，加油！我哋都會一直關注佢。」
除了感恩，還是感恩，姜濤先生不單拍片為天瑜打氣，更親自發訊息給我，能跟本尊對話是萬分榮幸，感謝這位謙卑和善良的年青人，香港需要你為我們帶來更多正能量，請繼續加油！
Posted by 天瑜醫療事故關注組 on Sunday, 16 January 2022
天瑜爸爸感謝姜濤關注，感動地表示：「你一句說話已經好大影響力，希望繼續得到你哋嘅關注！」
如周天瑜爸爸所說，姜濤的一句說話影響力相當大。帖子發出後十個小時已引來500多個轉發，對於周天瑜小朋友和爸爸來說，實在是不可多得的鼓勵。
「只有愛恆久不枯，生活在劫難裡，希望從未給沾污」，姜濤的窩心表現，令我們感受到人間有愛，但願這份愛與堅持，可以締造奇蹟。
響應姜濤呼籲，關注周天瑜醫療事故：「天瑜醫療事故關注組」facebook
