- shebrides
- by christine cheung
- 2024-06-07
何伯與新何太一事受到了全城關注，引起了港人對「中港婚姻」的討論。近日，有網民在連登討論區分享身邊認識了6至7年的同事中港婚姻慘況，指男同事娶了內地妻子，可惜「相見好同住難」，更大呻內地妻4大難頂習慣！
同事娶內地妻後慘況
樓主於討論區以「同事娶咗大陸女人之後變晒」為題發文講述事件。他表示，與公司某同事相識6至7年：「本身大家關係幾好，間中會夾埋三幾個熟嘅同事約出嚟行山食飯唱K」，但自從同事與內地女子結婚後「成個人變晒」。
樓主指，同事30多歲，父母催婚又安排同事與小自己5至6年的內地女子相親：「初頭相處落同事話覺得個女仔唔錯，就個個禮拜上深圳陪個女仔」，拍拖半年就遇上了疫情，於是「閃電」結婚「同事話反正疫情唔使搞大龍鳳，又覺得個女仔正正常常，好快直接簽個女仔落嚟香港」。但是結婚後，內地妻原形畢露，樓主更細數該同事的內地妻子4大惡行。
男同事內地妻惡行1：干預同事私生活
內地妻來港後，同事與樓主交流愈來愈少，樓主指：「group chat又唔多覆，十問九唔應」，後來疫情過去毋須再WFH（在家工作），樓主在公司看到同事「好似成個人消瘦咗」；同事大呻內地妻十分缺乏安全感，「唔鍾意佢成日睇電話覆訊息，就連老竇老母打電話俾佢都要匯報，唔係就會發脾氣嘈交，就連同事細佬上門搵佢都要經老婆同意，亦自此之後同事無再參加過我哋啲聚會」。
男同事內地妻惡行2：不上班工作
樓主又說，同事近兩年與內地妻誕下孩子，但是「同事話本身唔想生仔，但內地妻傳統觀念重，覺得唔生仔結婚就無意義」，惟內地妻懷孕後，就以「養胎湊仔」為由不上班，同事為了養妻活兒，星期六、日放假時間也要「炒散」賺錢，樓主稱：「一個禮拜七日都要為咗養家賺錢，無得休息」，感嘆「見住佢（同事）呢幾年嘅變化，都真心覺得佢慘」。
男同事內地妻惡行3：變賣同事PC與Ps4
除了不批准同事覆訊息、見親人，以及不上班外，原來內地妻更將同事的興趣扼殺，樓主稱：「我同事之前會打機，後尾先知佢老婆黎左之後連PC同Ps4都賣埋」。
網民意見四起
此帖一出，即引發網民熱議，指該名內地妻「下一步就係離婚拎公屋」，大部分網民都認為同事「條路自己揀」、「咁大個人仲被人逼婚，佢自己都有問題」、「所以奉勸大家帶眼識人，特別係大陸人，啲大陸妹真係好叻扮乖扮順從，一攞到身份證就原形畢露」。
