這樣的女孩娶得過！余文樂：「感謝你的純真讓我的世界變得簡單快樂」

呢幾日最熱門嘅話題，相信係余文樂結婚，大家都感到好震驚，聽聞仲有某同事因為太傷心而返唔到工（小編唔開名啦～）喺呢個大家都咁唔開心嘅moment，大家又有冇諗過王棠云究竟係點樣走入余文樂嘅心？原來一切都冇大家想像中咁輾轉，余文樂一句：「因為你是對的人」就秒殺晒所有人。

相信婚訊一出，大家都已經透過唔同嘅媒介，起咗女主角王棠云底～知道佢係皮帶大王嘅千金，過着公主一樣嘅生活，如此無生活憂慮嘅一個女生，性格應該都帶住一份傲氣吧？如果留意下王棠云嘅Instagram，會發現佢只係一個單純、開朗嘅女生，不時都會post出一啲正面嘅字句鼓勵自己，比起千金小姐嘅身份，佢更似一個普通嘅女生，每張相都展現出最自在的笑容。

S A R A H W A N G 👻 莎拉 王棠云（@sarah9_23）分享的貼文 於 2017 年 3月 月 29 6:44下午 PDT 張貼

S A R A H W A N G 👻 莎拉 王棠云（@sarah9_23）分享的貼文 於 2017 年 4月 月 22 3:51上午 PDT 張貼

余文樂喺Instagram分享佢嘅喜訊嘅同時，他話：「感謝你的純真讓我的世界變得簡單快樂，在這12個月裡你讓我生命發生了巨大的變化」，或者就係呢份樂天嘅性格令余文樂愛上呢個簡單嘅女孩。

「在對的時間，遇到對的人，感謝上天把最好的妳安排在最好的時候出現」王棠云嘅出現，似乎正正為余文樂嘅生活帶嚟重大嘅改變，愛情就係咁簡單，無關身份，只要係對嘅人，始終會令你有想娶佢嘅衝動，然後一世嫁喇～各位曾經嘅「余太太」們，張志明終於都搵到自己嘅幸福，小編都祝大家可以搵到「對的人」，唔好再喊喇！The best is yet to come!