advertisement
在演藝圈打拼16年嘅羅志祥（小豬）喺大家心目中一直係一個「搞笑藝人」，最近網路上流傳一段羅志祥參加《開講啦》的演講影片，當時他演講的主題是「人生不是只有上坡路」，正面樂觀嘅態度令人不得不俾like！
小豬喺節目上大方分享咗自己嘅奮鬥過程，由綜藝小天王到票房毒藥，最後成為今日嘅「亞洲舞王」，最重要嘅係保持一個心態：「遇強愈強」！小豬話俾大家知：「走下坡路的姿勢，決定了你人生的高度。」用自己嘅經歷話俾大家知只要努力同堅持，最終都可以到達想要去嘅目的地。
今日再聽返小豬嘅一席話，都令人感慨萬分～出道以嚟，小豬嘅負面新聞寥寥可數，粉絲數量有增無減，甚至有網民稱佢為「絕對嫁得過嘅男人」，稱佢為「未婚筍盤」，究竟係咩原因令一個男人咁迷人，令一眾女士直情想嫁俾佢？相信一定唔單止係正面樂觀嘅人生觀，一齊嚟睇下以下「嫁得過」特質啦！
- 個性好
個性好無論對內定對外，都能夠俾到你安穩嘅感覺，對外可以免除好多麻煩，對內又可以減少好多不必要嘅爭拗，婚後家庭一定和睦！
- 有上進心
成日話認真工作嘅男人最有魅力，男人有事業心有目標，先可以俾到安全感你，當然要識得喺家庭同工作中取得平衡，先至係100分～
- 幽默風趣
當你視對方為終生對象，對方如果係風趣幽默嘅人，就能為生活增加情趣，每日為你帶嚟歡樂，感情每日升溫！
- 勤快
懶惰嘅人總會俾人唔好嘅印象，相反你另一半係一個勤快嘅人，除咗可以令生活充實，仲可以推動到你對任何事都抱持積極態度，所以呢一點都好重要！
各位姊妹如果遇到符合以上條件嘅男人記得捉實唔好放手喇！
（圖片取自網絡）
