advertisement
餐廳內，一個中年男人正在飲悶酒。說是悶酒，因為他只是自斟自飲，但臉上卻沒有一絲憂愁，甚至連笑意也沒半點變化，直到一個女人走近。
「請問你係唔係……」
女人唸出一個中文名。男人疑慮，因為已經差不多 30 年，沒人叫過他的中文全名。後來，他才知道對方是中學同學。相請不如偶遇，兩個單獨前來餐廳的人，意外地重遇，禮貌地分享着同一瓶酒，還有彼此的過去。
「點解你一個人嚟食飯？」女人好奇地問。
「今晚係我同太太結婚周年。」男人讓舊同學看到手上的指環。「不過，佢幾年前過咗身。」
「冇生小朋友咩？」
「冇。妳呢？」
「離咗婚。」女人苦笑自嘲：「因為一時把持唔住，同同事出軌。連個仔都睇自己唔起，跟咗前夫。」
兩人為各自的遺憾碰杯，之後一杯接一杯，嘗試以酒精洗清對生活的苦澀。結果在醉倒前，兩人交換了一個心領神會的眼神，之後在酒店房，爬到彼此身上，互舔空虛。
事後，男人點起煙，一臉憂鬱。
「諗唔到喺咁嘅日子，會做啲咁嘅事。」
「過咗去。你都要向前望。」
「我覺得自己係精神上出軌。」
情深的眼神，加上溫柔的動作，令女人寬恕他的一切。
「我唔需要你認真，就當係正常發洩，打場波咁。」
「如果我想認真呢？」
在往後的日子，男人展現出並非一晚的意亂情迷，盡現柔情。而女人也覺得是恩賜，竟然讓她找到人生第二個依靠。
於是，兩人在沒有賓客，只有簡單的儀式下再婚。
這段關係註定⋯⋯
不可能幸福。
因為女人在遷到男人的家後，找到男人的亡妻收藏起來的遺書。原來世上並沒有溫柔的出軌，只有殺人的溫柔。
那個男人是因為曾經出軌，前妻才決定自殺。
~~完~~
重溫：
柏原太賀 facebook：
