警告
生活從來是自己的，我要享受，所以我賺錢；我要賺錢，所以我放鬆；我要放鬆，所以我棄愛。
我從來不明白為何要讓一個虛無飄渺的身份；女朋友？老婆？來束縛自己的生活。有人話這就是甜蜜的代價，我認同。但客觀觀察那些全心投入的朋友們，所謂甜蜜的時間，相比往後平淡甚至冷漠的時間，實在如同流星劃過一刻跟長夜的比較。
所以，我不需要有 time limitation 的愛，寧可「餐搵餐食餐餐清」，沒期望自然沒有失望，何況我的期望一般只是一晚，通常也可以符合預期。
「我幾時衰到要畀你守護呀！」我在腦內大聲問 Michael。
「又係妳話唔想再玩落去，想安定落嚟。」對了，我昨晚的確有如此感慨一刻。
「我意思係想再專心事業，連男人都唔要呀！你咁樣係強姦我意思呀！」
「妳係咁諗就唔好講到勁感性啦！By the way，而家唔係討論呢件事嘅時候，係有咩辦法令我意識出番妳個身體呀！」
「我約咗人喎！」
「我知，高信浩吖嘛！佢分明想搵個藉口食妳，唔好去啦！」
「點解唔去呀？」我再問：「你知我同佢上過床㗎。你仲笑過我識食添，而家覺得我會蝕底呀？」
「係！」
「Michael，你知唔知點解我唔想同你一齊呀？唔係你唔夠好，而係因為同你一齊太好，我可以做咗咩，或者打算做咩都同你分享。但係，係我唔需要你為我承擔做任何嘢嘅後果，亦唔想你去 judge 我。我哋之間，就係因為冇呢份壓力先可以咁 close。你明唔明？」
Michael 沉默了，而我的腳步卻不自覺地走進了酒吧，打開了包廂房門的信浩向我揮手。
「但係妳真係要幫我手……」Michael 的聲音又再出現在我腦中。
「有咩都等我飲完嘢先再講啦！」
「我怕妳飲醉呀！」
「Off！」
我還沒有完全坐下來時，信浩已經扮作 gentleman，輕按着我的腰坐下。這看似貼心的交社動作，騙小妹妹還可以。但在我眼中，卻是明顯急色的表現。
「做咩咁好約我飲嘢呀！」我為自己倒酒，借機拉開了一點距離。
「就快世界末日嘛，想見番同喺一生中最有緣份嘅朋友。」
什麼最有緣份的朋友？算了吧！這種刻意曖昧不清的稱呼，配上那張俊臉，加上故意深情的眼神，還算合格有餘。
「你真係信會世界末日咩？仲有成三十日喎，你打算每晚搵番一個呀？」我以平常的 flirting 的態度問。
「所以，我第一晚就搵妳囉。」
「咁即係你食過最少三十條女啦！」發現信浩的表情變得尷尬，我立即微笑，續說：「你又靚仔，又紅到入晒屋，點止食三十個咁少呀！」
「但係我最記得係妳，第一個就諗起妳。」
「記得我咩呀？」
信浩用手指在我嘴唇輕輕打了一圈後，輕壓我的下唇，令它可以入侵我的口內，指尖輕碰了我我舌尖。
「我永遠記得當日係妳推薦我畀妳嘅導演朋友，果晚我仲開心到話一定要請妳食飯。估唔到食完飯之後，妳仲話要買甜品上我屋企食……我從未遇過一個可以淨係用口都令我虛脫嘅女人。」
「Wait！」
我九秒九跑到洗手間，拋下錯愕的信浩。
「Michael！聽到就應我。」
「點呀？又係妳頭先叫我 off 嘅。」
「你話你會睇到我睇嘅嘢，同聽到我聽到嘢，係唔係呀？」
「係呀！所以，麻煩妳盡量唔好咁露骨，得唔得呀？我聽住㗎！」
「Shit！咁你有冇可能真係離開下呀？」
「我都唔想聽同睇呀！妳估我見有個男人搵隻手指篤過嚟果時，我唔想避呀？我避唔到咋！」
「Ok！我怕咗你，咁你想我點做，你先肯唔好再……同我同步呀？」
「我都唔知呀！不過，我諗首先係搵番我個身體。」
「咁你個『肉身』喺邊呀？」
「我屋企囉。」
當我一打開洗手間的門，就見到信浩已經造作地依在門框邊。我還來不及反應，便被他一手把我環抱得緊緊的。
「你唔係未飲就醉呀？」我問。
「見到妳，即醉。」信浩的臉湊過來，我即時想起 Michael 在望着，本能地輕推過他。「Sorry！Mandy，妳唔舒服呀？」
「唔係。」他似乎誤會了我在拒絕。我連忙拉着他的手，說：「不如跟我去一個地方吖？」
******
「喂！妳唔係堅畀佢入我屋企呀？」
由離開酒吧一刻開始，Michael 已不停地在我腦內囉嗦 ，比一隻趕不走的蒼蠅更煩人。
「係邊個叫我要先睇下你個 body 有冇事㗎？」我站在 Michael 家的大門前，望着電子鎖，腦內問：「密碼呢？」
我按下 Michael 不服氣地告訴我的密碼後，門隨即解鎖。幸好燈的開關就在旁邊的當眼位置，我才不至於像是來偷竊一樣。
「我真係估唔到妳會帶我嚟妳屋企喎！」信浩看來經常到其他女人的家，熟練地脫去外套後，連手錶也順手放在茶几上。
「呢度唔係我屋企喎！」
「吓？咁呢度係……」還沒有等他問完問題，我便打斷了他：「等我一陣，唔准偷睇！」
走進 Michael 的睡房，果然見到他躺在床上。
「喂！你個樣真係好似未醒咁喎。」我腦內向 Michael 說。
「幫我聽下我仲有冇心跳吖！」
「唔駛聽啦！」我望着他的起伏的胸口說：「你都睇到，呵！好明顯仲有呼吸啦！」
「咁仲好，未死！喂！……妳做咩呀？」
「我試下扭下你啲手腳，睇下有冇神經反應嘛。」
「妳咁扭，會斷㗎！」
房門的把手「咔嚓」一聲轉動，即使背着房門，也知道信浩驚訝地發現我站在 Michael 的床邊，而 Michael 卻像睡死了一般的詭異情況。我情急智生，立即轉頭向他做了一個噤聲的手勢，並向他單了一眼，他才安心起來。
「我男朋友好瞓得，唔好太嘈，佢就唔會醒㗎嘞！」我關上房門後，挨身貼着信浩說。
「咁激？妳都鬼馬喇！」
好色的信浩完全沒有因為 Michael 的存在而卻步，反一手拉我到身邊。他的手在我背脊一直向下滑，遊走了好一陣後，再穿越了那道薄弱的防線，直擊兩腿之間的缺口。但我卻望也不能望，連喘氣聲也不可以發出來。這個時候，我恨透了在我腦內的 Michael。
「喂！妳要抱住佢唔郁到幾時呀？」Michael 不耐煩。可是，我的防衛隨着信浩加快了手指的動作，已經接近崩潰的邊緣。雖不至於缺堤，卻早晚會被他聽到波濤起伏的泊岸聲。
「我有啲頭痛，畀我挨住你瞓一陣啦！」我把頭在伏在信浩的胸口，把一句說話同時講給兩個男人聽。
我瞌上雙眼。對 Michael 而言，應該只會見到一片漆黑，大概以為我真的在休息。可是，在信浩眼中，我只是熟練地解開了他的褲頭。為了不要讓一時不慎嚇怕 Michael，我還刻意把頸上的絲巾解下，再用它矇住雙眼。之後，便是一輪有口難言的機械式 job。
「妳仲要瞓幾耐呀？我想妳幫我睇下有冇 urgent call 呀！」Michael 在我腦中不停說話。
「好快得啦！唔好催我啦！」雖然不少女人在做那件事的時候也會分心，但我卻一心想盡快完事。
「妳頭痛的話，我櫃桶有藥。」
「冇用。我食頭腦藥會胃痛，等多一陣。三分鐘，ok？」
「都唔知妳搞咩！」
我搞咩！死人 Michael，我為你着想咋！你連信浩用手指情挑我嘴唇也如此大反應，若我此刻開眼，我怕會成為你人生的陰影。
果然，這些年來信浩仍然白白地浪費了那張俊臉，根本沒有任何進步，這才是我沒有再跟他上床的原因。還不到三分鐘，我便完成了那項不太艱鉅的工作。我用絕不自然的口形，勉強地向信浩作出一個可能是中文世界內最短、最實在、最意淫的要求……
「紙巾。」
我請走心滿意足的信浩後，便馬上找 Michael 的電話出來。
（待續）
重溫：
柏原太賀其他作品：
柏原太賀 facebook：
