深雪︰
我講吓我嘅問題先。我今年27 歲，同男朋友拍左9 年拖，我地係中學時識嘅，但唔係同校，之後慢慢開始。我嘅屋企人一早當他係女婿，只係差結婚呢一步。喺今年中，我們決定出年年尾結婚。
我同佢本來都唔算是好sweet 那些，畢竟都拍左咁多年啦，間中吵吵鬧鬧，關係冇乜火花，就算依家結婚，都好似係我一個人喺度攪咁。但我同佢嘅朋友同埋屋企人關係唔錯。佢嘅性格唔算成熟，成日喺我d 朋友面前因小事發脾氣，所以我嘅朋友成日叫我要考慮清楚才同佢結婚，但我心想我已經27（年底就28 歲），又拍了9 年，我唔算靚女，還有其他選擇嗎？
到今年決定結婚後，我發現左……我地之間有第三者。我唔識那個女人，唔知佢地拍左幾耐，究竟係提出結婚前定提出後，我都唔知。老實講，我諗呢個女士都唔係我地之間嘅第一個第三者啦。但呢次，我係從佢口中得知嘅，是佢親口同我講，但又沒話要分手，所以仲hurt。
那時，我已通知了好多人我地要結婚，我仲可以點？
後來，我估到他和那女人已斷了，我地冇再討論過呢件事，繼續結婚。
問題係，我心裡都知咁樣結婚一定唔理想，只係大家都冇勇氣提出「結定唔結」，我驚萬一結唔成，我就嚟30，見到身邊好多friend 喺30 歲前甩拖的都搵唔返，所以我唔敢……
你認為我男朋友仲鍾唔鍾意我呀？我地係咪真係唔應該再咁落去？
Apple
Apple︰
我猜，你們可能仍然有點鍾意對方，但愛意已冷卻。
你的男朋友有第三者，而你，雖然無第三者，但你對他的愛，也一天比一天淡薄。
其實，可以依計劃結婚，但你們要立定決心重新開始。
告訴你的男朋友，結婚之後，一切重新開始，好不好？
就當是給大家一個機會，嘗試重新愛上對方。
而我想告訴你一件事，第二春、第三春並無年齡限制，你的朋友找不到新對象，不代表你也找不到。愛情，除了看條件，還要看桃花運，以及個人意志。我們都見過，有些條件差、年紀又大的女人，一樣男友不斷，除了桃花運強之外，她一定非常主動，以及有那種「誓死要有新男友」的決心。
要是你想解除婚約，立刻去找第二春，我會支持你，因為，我認為你能找到。
不過，我相信，你不會這樣做。那麼，你們先結婚，給大家一個重新開始的機會，要是真的無法幸福，那麼，大家可以離婚。
你也可以試試盡力搏一次，出盡全力去讓男朋友感到驚喜，你盡過力，起碼，能過到自己那一關，你不會怪責自己。
我頗欣賞你的冷靜態度，你就憑這種態度在婚後嘗試與他重新開始吧！
其實你都知道，他一直沒說分手，這就代表，他對大家的關係仍有盼待的。在此階段，不要就此放棄。
深雪
