advertisement
《志明與春嬌》一句「人生流流長，總會遇上幾個人渣」，講都講到爛，聽都聽到厭。好多女人對此深感認同，默默暗許，也在心理上準備好接收此等人渣，好為自己愛情履歷表上加多幾個激動人心的故事。我呸！一個連續不斷瘋狂吸引班人渣傷害佢嘅女人，人稱「人渣磁石」，根本是咎由自取！究其原因，不外乎以下4個死穴！
1. 自傷自憐無限loop
長期處於自傷自憐mode，總覺得世上沒人能了解自己，因此只要有人稍為關心，便心生好感，墜入情網，但可惜大多是無心插柳的人渣。
2. 自問外表唔差
無錯，明明外表唔差，點會無人鍾意，無人吼？即使明知佢有女朋友，明知佢對你唔好，你都會盅個頭埋去，因為外表唔差的你，怎可能係單身，就算單身都要收幾個觀音兵啦下話！可是收兵全無準則，通殺！
3. 愛情經驗豐富
小學已經拍拖，初中已然first kiss，高中已經失身……自以為身經百戰，見盡世界所有男友，認定一個道理：「世上沒有好男人！」每遇人渣都有千百個理由，包庇他一番！因為男人嘛，個個都係咁嫁啦！
4. 極度缺乏安全感
不論任何先天後天因素造成的attention seeking，在極度缺乏安全感的心理影響下，對佢好唔好唔緊要！只要任何時候都有人作伴，有人比佢無病呻吟，有人比佢掛住，心理上有寄托，安全感都會輕輕增加一點點！同容祖兒《痛愛》一樣，實屬自殘行為。
阿人渣磁石，唔該清醒一下，人係有自由意志，懂分辨是非黑白甜酸苦辣的，要唔要同人渣一齊，係你自己揀的！請勿自我沉淪苦海，催眠自己，以為佢終有一日會為你改變，首先要改變的，其實係你自己個mindset囉！
圖片來源：《春嬌與志明》
