advertisement
講起葉念琛，好多人都會諗起「阿寶」，然後就會諗起鄧麗欣，但自從上一套戲《愛情奴隸獸》，「阿寶」已經唔再等於鄧麗欣，換咗新面孔蘇麗珊，今次葉念琛拍梗嘅新戲—《我的情敵女婿》係《獨家試愛》系列嘅最後一輯，搵嚟劉嘉玲飾演「阿寶」，加埋任達華同衛詩雅一齊演出，唔知大家又點睇呢個組合呢？
有傳媒就問嘉玲有冇睇過葉念琛以前嘅作品，劉嘉玲直言冇睇過，後來接咗「阿寶」呢個角色，問導演先知套戲有一個浪漫嘅愛情故事。講返起每一代嘅阿寶，每一代由Stephy演出，角色深入民心；每二代由電影《哪一天我們會飛》新晉演員蘇麗珊演出，感覺小清新；第三代就由嘉玲演出，好期待嘉玲演出嘅「阿寶」會帶俾我哋咩新感覺啊！
葉念琛嘅電影裡面，唔難睇到好多現今男女嘅愛情觀，女主角懷疑男主角出軌，吵架然後分手又復合，究竟點樣以令一段關係長久啲？就要mark低以下3個小習慣喇～
- 有相同興趣
唔知大家有冇試過相處嘅時候到無話題？如果你哋有相同嘅興趣，喺做同一樣嘢嘅時候除咗可以增進感情，仲可以多咗話題傾計，就唔怕Deadair啦！
- 拖手同擁抱
親密嘅動作可以令你哋可以感受到對方嘅體溫，可以令你哋嘅甜密保持溫度，關係長久。
- 每晚都要跟對方說晚安
無論你哋幾忙，一句簡單嘅「晚安」都可以令對方知道你在意佢，就算唔喺身邊都可接收到對方嘅愛意～
圖片來源：網絡圖片及劇照
