advertisement
我有着很典型的白羊座個性：不會突襲人，要反擊都明刀明槍。就好似最近，我在工作上遇到無法妥協的事，於是在事發前，我跟一個人說：「如果事情真係發生，我唔會就咁算。」對方聽後，並無理會，還任由事情繼續，結果，我真係無就咁算。
然而，人真的好奇怪，總喜歡用自己的腦袋去想別人的事。當我說「會」，對方解讀成「睇死我唔會」，因為經過他的分析，認為「你講出口，都是想我驚，假如真的不會算數，就不會告訴我。」
於是，當最後我真的沒有算數，對方便陣腳大亂，一副「水淹來了！兵將快來擋！」的模樣，做了些行為以為叫自保，實質惹人發笑。
看着這件事，我搖頭笑着嘆氣：怎麼要敵不過「猜度」？以為頭骨內有個腦就等於擅長思考嗎？
到這裏，我又想到情侶間常說的話：「你再係咁樣，我哋就分手 / 離婚。」有冇留意到，聽進去的一方好多時都會看成威脅？人被威脅，會得出兩個情緒：一是驚、二是偏偏唔驚（明明驚嘅但叫自己唔好驚），這是源自於自卑、和極度自卑果堆嘢。其實，人家只是預先警告，不想改就談出共悉、想改就去改啦！現在談戀愛，還是打仗啊？來個反間計、空城計好嗎？
所以當我交朋結友，每逢友情更進一步時，我都會告訴對方：我是坦白到令人難以置信的，你信我便是了，不用猜。我說會，就是會；你猜我不會，還是會的。
個人網站︰http://slimcook.hk
facebook︰http://www.facebook.com/lively.com.hk/
Instagram︰echow03
