警告
「如果我要解決佢，真係好簡單。」歐生知道 Chris 件事後講。
「你唔會搵人殺咗佢掛？」我飲一細口紅酒，再挑起一粒完全唔搭配嘅燒賣。
「殺人？犯法㗎。」同我對坐嘅歐生小心翼翼咁為我添酒。
喺呢個「場合」，真係好難唔小心，因為我同歐生正喺四十幾樓嘅吊船，即係高空清潔或維修大廈玻璃幕牆嘅懸吊式工作台。
今晚佢約我嘅時候，只係話去佢其中一個 office 度。當我步入佢空無一人嘅 office 時，仲以為又係要瞓喺張硬梆梆嘅會議枱。點知，佢俾咗支紅酒我拎住，叫我喺 reception 度等佢後，就急急腳走返去 pantry。期間，pantry 傳嚟一下好熟悉嘅「叮」一聲，之後每隔幾十秒一下。
歐生再行返出嚟嘅時候，已經成手都係微波爐食物。然後，簡單講咗句：「Let’s go!」
「咁你而家唔係犯法咩？無牌駕駛吊船。」我邊講，邊餵一粒蝦餃到歐生嘴邊。
「妳錯啦！我二十幾年前已經喺訓練局攞咗牌㗎啦！」歐生自信地回答。
「上至直升機、吊船，下至遊艇、潛水，你到底有咩係唔識㗎？」我問。
「You know me well, right?」
歐生嘅出身非常傳奇，佢喺名牌大學建築系畢業。本來應該會係建築師嘅佢，因為一次犯錯令佢無可能繼續專業道路。之後，佢開咗間細嘅建材公司，但就俾佢搵到一種新嘅建築物料，仲做埋代理，反而賺咗人生嘅第一桶金。往後，據報紙同訪問所講，佢嘅代理貿易生意愈做愈大，再藝高人膽大去收購同合併，令佢成為今日嘅城中富豪之一。
當然，事實佢透過北水同財技搵返嚟嘅，先係佢真正致富嘅關鍵。否則，當年一個三十歲未到嘅初創小伙子，又點可能搵到咁多人「投資」呢？至於有無犯法？喺法治社會下，主要係睇你或者背後嘅人，有幾多錢出律師費啫。
「Purple，妳唔覺得我好浪費人生咩？」歐生伸一伸懶腰，隨意咁瞓咗喺吊船板，令成架船輕微咁搖晃咗一下。
「你而家享受緊好多人幾世都無辦法享受嘅生活。如果你唔信嘅，不妨跳落去，投胎睇下下世有無咁好環境。」
「我意思係既然我學咗咁多嘢，應該做啲有意義嘅事，而唔係只為咗無止境咁賺錢？」
「你有錢，可以做啲嘢令其他人嘅生活更有意義。無錢，你做任何嘢都只係為咗令自己唔好失去生存嘅意義。」
「其他人嘛……」歐生伸起佢隻手，凝望漆黑嘅上空。「我記得讀書果陣，曾經夢想起一幢大廈出嚟，令人覺得自己可以掂到個月亮。」
「好浪漫喎。不過，可惜喺香港就算見到月亮，都唔會覺得好光。」
「唔緊要，有妳嘛。」
好多女人都鍾意同四十以上嘅熟男一齊，覺得佢哋更會 take care 人。可惜，日子耐咗，就會覺得對方好悶，做每件事都太循規蹈矩，甜言蜜語更顯得扭捏。浪漫不足，囉嗦有餘。不過，「安穩」呢兩字好似同歐生扯唔上關係。
富裕嘅條件，令佢可以延續任性輕狂嘅想法；曾經嘅遺憾，令佢更珍惜每一個實踐瘋狂嘅機會。
當然，遺憾亦會令一個人改變；令一個保守嘅女人變成蕩婦⋯⋯
歐生繼續平躺喺吊船嘅鋁板上面。不過，佢嘅手由不切實際咁渴望觸及月亮，慢慢實在地降落喺我胸前。手指沿乳溝上下輕撫幾回之後，慾念嘅軌跡逐漸擴大，一時上移挑弄嘴唇，一時下移輕按小腹。當佢開始肆意搶佔大腿內側嘅時候，指尖溫柔得令我幾乎主動投誠。
「Ride me!」
「而家？」
「Sure! 我早已經預備好。」
歐生隨手一拉後面一條繩，吊船嘅四邊原本捲起嘅帆布立即由欄杆滑落。片刻之間，成架吊船彷如一張有掛上帳幕嘅古典睡床一樣。只不過，呢張勉強只可以瞓一個人嘅床，正懸掛喺四十層以上嘅半空。
我鬆開歐生褲頭嘅時候，再一次令我懷疑佢嘅年紀。因為佢嘅身體反應從來都無出賣過佢，永遠咁賣力，一啲都唔似征戰已久嘅老兵。
我唔敢有太大動作，輕輕坐上歐生度，吊船又再輕微搖晃一下。
「咁都郁喎。一陣咪震得好勁？」我疑慮地問。
「咁妳記得要忍住，淨係上下咁出入，唔好太興奮到前後磨啦！」歐生輕蔑嘅態度反而挑起我嘅興趣。
「我怕係你先高潮，忍唔住向上頂咋。」
「如果我先嚟的話，請妳去旅行，anywhere。不過，如果妳先到，咁就罰妳陪我出 trip。」
「咁如果一齊到呢？」
我連除條底褲出嚟都怕會太大動作，只係拉歪中間位置，令我哋作出最低限度嘅結合。由於每一下動作都令吊船出現輕重不一嘅搖晃，一搖一驚心，我嘅動作慢得幾乎可以感受每厘米嘅進出。不過，亦因為咁，每一次抽送都能夠以數秒嘅節奏，細味被牽動嘅小陰唇，從而刺激陰蒂；而每一次插入，除咗有被填滿嘅舒坦外，亦足以感受喺體內緩緩傳遞而來嗰種令人安心嘅熱力。
經常聽人講慢食，先可以令味蕾真正感受食物嘅味道。呢一刻，我終於明白。
「Purple，妳係怕高，定驚輸呀？」正當我閉上眼，享受肉體嘅歡愉時，歐生竟然好唔知情識趣咁問。
「你想快咩？好呀！」
當晚，我用盡平生最大嘅勇氣，喺四十幾樓喺高空上面，贏咗一張機票。唯一嘅意外，就係我哋將一盒肉醬意粉，從高空散落到寂靜嘅皇后大道中。
（待續）
柏原太賀Facebook：
