警告
「你傻咗呀？呢度會唔會太open呀？」我驚問。
我同歐生唔係第一次喺室外做愛，但從來無諗過無喺咁張揚嘅地方。
「本質上，同之前有分別咩？同埋，妳唔想的話，可以隨時停。我將決定權交比妳。」
「有人點算？」
「妳望下左邊，唔好話人，連警察都趕走晒。」我唔明歐生講咩，因為左邊只係一個建築中嘅地盤。由於係晚上，已經空無一人。「呢度以前係警官俱樂部，幾年前變成鐵路地盤。我交嘅稅，唔係畀佢攪工程，而係幫我趕走啲人，方便我去攪妳。」
「Are you kidding me?」
「No!」一陣微痛帶來期待已久嘅爽快。「I'm serious!」
我內心好詭異咁為刺激同安全並存嘅矛盾而興奮，身體亦享受歐生帶嚟嘅歡愉。佢不時輕吻我嘅耳背同後頸，但就喺每次嘴唇同皮膚短暫接觸之間，舌尖以極輕柔方式滑過帶嚟一陣觸電感。同一時間，佢雙手並唔急於遊走我嘅身體，而係緊緊攬實我條腰，令佢每一下緩慢嘅撞擊反而變得更有力。我諗即使有人離遠見到，都只以為係一對欣賞緊夜景嘅普通情侶。
身體嘅忍耐快到極限。除咗要忍住唔好呻吟外，好幾次，雙腳騷軟得鞋踭懸空，令我不得不擔心腳下對Aquazzura鞋尖係唔係足以承受我身體嘅苦撐。
一整日嘅疲勞被微涼海風帶走，但水珠般嘅汗水卻因為包裹住一團破繭而出嘅火焰而蒸發。
「Are you ready?」
「Always!」
歐生上身嘅溫柔，中間嘅支撐同下身嘅粗獷，化成完美平衡，令我喺最後嘅天旋地轉之間亦不致滑落地面，反而終於忍唔住昂頭低吼一聲。我哋同時達到情慾嘅最高境界，餘韻亦令我哋久久喘息未停。
「上房繼續？」呢個男人，就係鐘意明知故問。
「Sure!」
******
敲門聲打擾我嘅專心一意，視線由電腦屏幕轉向office房門。
「咩事呀，Vincent？」我問。
「Purple姐，有三張VO要妳簽名確認，有時間嗎？」Vincent未問完，就已經將三份文件揭到簽名頁，整齊放喺我枱面。
「放低先啦！我一陣睇。」原本只要銀碼微不足道，我係可以連望都唔望就簽名。不過，我唔想令呢個叻唔切嘅年輕人覺得凡事可以求其。
「我可以喺度等妳。」
「好呀！」
我扮到好仔細咁睇每份文件，而Vincent就企喺我面前，好耐心咁等我。佢係我親自interview請返嚟，無論學歷同溝通能力都相當出眾，而且外表幾討好。呢一點，可能好多男上司會忽略。但係我知道作為一間側樓代表，見user果幾十分鐘若果得到對方歡心，往往比踎喺site嘅專業performance更重要。
無他，任何一行要做得耐的話，手板眼見功夫邊個唔識？但一個令人信任嘅first impression，係可以令好多麻煩事迎刃而解。於是，對於呢位細我足足十年嘅Vincent，我有意栽培佢做我副手。不過，佢有個缺點……
「Purple姐，妳今日好似有啲唔同咗？」
「係咩呀？」
「比早幾日神采飛揚咗。或者簡單啲講，好睇咗。」
我唔懷疑一場令人滿足嘅性愛，的而且確係唔錯嘅心靈護膚品。
「小朋友，對自己女朋友口花好喇，唔係個個都受呢套㗎。簽完！可以拎走。」
「Thank you!」
Vincent爽快咁接過文件。每一次，我都不自覺咁望一望佢修長嘅手指。白淨嘅皮膚令佢睇落更清爽利落，不過微卷嘅髮型有一種輕薄凌亂嘅層次感，竟然令我覺得佢笑起上嚟有一種天然嘅可愛！
就喺Vincent打算轉身離開嘅時候，我發現文件下面有一個手寫「To Purple」嘅信封，而信封面無任何公司logo。
「等等！呢封咩嚟㗎？」我問。
「今朝有人速遞咗封信過嚟，不過連receipt都無，放低就走咗喇。」
「明白！」我思考咗兩秒，喺櫃桶拎條車匙出嚟，續講：「有件personal嘅事想你幫手。今晚收工之後，可唔可以幫我揸架車返我屋企？我一時唔記得咗今晚約咗人，應該會飲酒。」
「無問題。妳今晚盡情enjoy啦！」
「唔該晒。」
Vincent行出我房之後，我好粗暴咁撕開信封封口，內裡有一封以唔同雜誌剪貼拼湊而成嘅信。信上只有一句說話：「我今晚想見妳，miss you much!」
嘔心！好嘔心！並唔係因為呢種老土嘅方式，而係一陣對自己嘅悔恨。
「Bella，今晚有無嘢做呀？」我撥打畀我最好嘅朋友，亦係唯一仍單身嘅同性朋友。「一齊食dinnner吖……無所謂，就妳想食咩都得……不過，妳揸車去我公司大廈正門等我，好嗎？……係！唔係停車場……無錯，又係佢呀！……Thank you，今晚到咗打比我啦！」
尋晚激情帶來嘅興奮，今日就完全比一盤冷水淋熄晒。
（待續）
柏原太賀Facebook：
https://www.facebook.com/Kashiwabara30/
圖片來源：《眠れぬ真珠》
