結婚最需要準備的是心態

近日友人結婚，我們除了恭喜之外，也紛紛「八婆」一下究竟他預算了多少錢用作結婚。

「其實都唔係好多，比起錢，其實有樣野更加重要。」
「求婚戒指？」
「樓？」

大家將自己心裡最渴求的東西都說了一遍，但朋友也只是微笑沒有回答。

「賣咩關子呀？講啦！係唔係老爺奶奶嘅認可？」
「老爺同奶奶嘅認可都重要，但最重要係心態呀！」
友人說出答案後，大家也不禁要向他反白眼示威。

「唔準備好你地點結婚呀？心態呢樣嘢一早就要準備好架啦？」

「由熱戀到開始萌生想結婚嘅念頭，之後由求婚到準備婚禮，到最後真係成為夫妻呢段時期，心態會一直係到轉變，所以要不停轉換，其實都唔係咁簡單㗎！」

友人說得頭頭是道，對於還沒有結婚念頭的我們也不敢隨意反駁，倒是從來沒想過他所說的心態轉變。

「咁會唔會有人轉變唔切？」

其中一位有穩定男朋友的朋友率先發問。

「你唔見有好多人往往求婚失敗之後就會分手嘅咩？」
「同埋成日聽人講呢，好多人準備緊婚禮期間都會分手。」

大家互相提出一些還沒到結婚時就失敗的事例出來討論。

「無錯，如果你心態轉變唔到，而你自己根本都未接受到，其實好危險，就算比你勉強結到婚，其實都未必係好事……」

聽到友人這麼一說，又真的好像是這麼一回事。

「所以，最重要係你地雙方個心態，如果未準備好，就算準備好一切，都是係徒勞，係唔係？」

去到這刻，我們開始明白他一開始所說的話，

如果準備好，而你們都有結婚的想法，即使有多少困難你們都能克服，相反，如果只有單方面想結婚，而另一邊根本沒調整好心態，其實又有何用呢？

所以，結婚最需要準備的，會不會就是你自己的心態？

FB / IG. promiseof8