advertisement
近期人氣急升嘅陳小春同4歲仔仔Jasper，兩父子拍住檔上內地節目「爸爸去哪兒？」，二人互動引起網民熱烈討論，暖心嘅小Jasper同嚴父陳小春成強烈的反差萌，應采兒仲喺微博對小春訓話，睇嚟小春唔知又要跪幾多晚玻璃喇～
喺第一集節目內，小春嫌Jasper行得慢而發惡，采兒就喺微博訓話老公：「是媽媽叫他（Jasper）慢慢走、怕摔跤！催什麼嘛」，日前佢又喺微博爆料：「明天又要出發了，Jasper說：『啊？又要去？』他一臉的不願意。」言語之間，感受到小春喺屋企嘅「地位」，要治到小春火爆嘅性格，睇嚟非采兒一人莫屬。
網民惡搞圖
今年已經50歲嘅小春7年前年與細自己16年嘅采兒結婚，婚前性格衝動又暴躁嘅他，過去經常同傳媒發生衝突，不過自從采兒嘅出現，令佢收斂咗唔少，坦言係被老婆大喇喇嘅開朗性格徹底「收服」咗～
二人結婚後嘅相處方式好獨特，會將鬧交當成生活中的小情趣，但感情依舊甜蜜，雙方都將功勞歸功於對方，采兒曾經講過，「現在看到的他，已經降低自尊心到最底線了，為我」，仲話好多謝老公為咗自己改變壞脾氣；而小春就話，有時同老婆鬧交，他嘅應對方式係，忍一下、聽一下，多啲讓老婆都冇所謂，「你贏了，每天都係你贏，有咩所謂呢？」，睇得出小春對老婆寵愛有加！
夫妻間嘅互動哲學令人感受到滿滿嘅愛，連小編都好羡慕，期待呢位星級老公同爸爸之後喺節目內同小Jasper嘅互動呢！
（圖片取自網絡及微博）
