白 Sir 扶起許 Sir 時，發現他仍有呼吸，看來只是昏迷。他連忙拿出電話，打算叫救護車。但房間卻收不到任何訊號，這才想起此房間應該有斬斷訊號的設計。
「你立即幫我叫白車。」
白 Sir 向 Herman 說完後，再跟 Florian 說：「仲有妳！我懷疑妳涉嫌藏毒，而家要拘捕妳。」
「呢啲只係糖粉嚟。不過，反正我唔會反抗，隨便你！」Florian 答得輕鬆。
「你肯定要 call 白車嗎？不如用酒店專車立刻送佢去附近嘅私家醫院，會更快。而且，我相信你哋呢次並唔係正式行動。」
白 Sir 立即用手指沾一點許 Sir 嘴邊的白色粉末，以鼻一嗅，果然是帶甜的。那一刻，他有點猶豫。Herman 說得有理，時間當然是考慮因素。但要是電召白車的話，難免要寫一篇報告。他的個人檔案早已花得如塗鴉牆般，倒是沒什麼所謂。可是，年輕的許 Sir 卻前途無限。
「呢位先生喺酒店範圍內出事，我唔希望有任何負面新聞出現，我保證入院同治療費用由本集團全數負責。」Herman見白 Sir 猶豫，再補多一句：「救人，分秒必爭呀！」
白 Sir 也沒有反對的餘地，便立即送許 Sir 到醫院。但臨行前，他不忘命令 Florian：「妳！同埋我哋一齊去。」
******
在私家醫院最頂級的等候區，一向見慣風浪的白 Sir 卻坐立不安。
「阿Sir，你唔好行來行去，好唔好？」
Florian 對白 Sir 說。
「妳同我收聲！唔係因為妳，Gary 仔會喺入面！如果一陣知妳對佢做過啲咩，我唔會就咁算！」
「佢自己唔受得，你嚟怪我呀？」
「妳唔駛講咁多，一陣醫生出嚟就知咩事。」
「白 Sir，恕我提一提你，正如你所講，而家我哋都未知許 Sir 咩事。但到呢一刻為止，呢位女士都仲未 check out，依然係我酒店嘅 guest。佢只係非常合作咁去陪你一齊嚟到醫院，所以麻煩你禮貌少少。」
Herman 展現的冷靜及氣場，明顯並不是一般老闆，就連白 Sir 也無可奈何收斂起來。此時，醫生從病房出來。白 Sir 連忙上前追問，但醫生卻沒有即時回答，反而先等 Herman 示意。
「醫生，你照講就得喇。」Herman 說。
「病人基本上，身體冇咩大礙，只係消耗過度而暈倒。」
「消耗過度到昏迷不醒？」白 Sir 實在難以置信，畢竟許 Sir 在警隊的例行體能測驗，都算是前列表現者。
「冇錯。就好似喺極短時間內，做相當過度嘅運動，例如馬拉松。我都想知病人出事前，做緊咩呢？」
「我同佢做緊愛。」Florian 的直白令在場三名男士也為之側目。「佢射咗好多次出嚟。」
「呢個......應該都係合理解釋。」
「佢有冇生命危險？咁......算唔算馬上風呀？」白 Sir 忍不住問。
「放心！坊間一般有人話性愛過度會出現所謂馬上風嘅心肌梗塞，但其實只要心臟健康的話，馬上風嘅機率係低於1%。不過，出現呢位病人嘅情況亦唔常見，畢竟好難做到咁冇節制都唔停。」
「咁佢嘴角果啲係咩粉嚟？」
「係葡萄糖粉。」
「糖粉？」
「係。一般食用嘅葡萄糖粉。」
「我講過啦！」Florian 以一種無奈的表情說：「話晒要含一個男人最污糟嘅地方，搵啲糖粉去令自己好過啲，唔算犯法掛？」
雖然白 Sir 依然難以置信，但既然醫生也說許 Sir 沒有大礙，只需要靜養一晚便可以，他也的確什麼也做不到。而且，他直覺今次是打草驚蛇了。
******
翌日，當白 Sir 回到警署時，他卻發現自己並不只是打草驚蛇，而是墮進了一個陷阱。因為他見到 Herman 剛刪從上司的房間出來。而且，他的上司顯得異常恭敬。
「Mr.Lee，我送你吖！」
Herman 也在離開時見到白 Sir，卻沒有上前，只是向他點頭微笑。那自信的笑容，大概可殺人於無形。果然，他甫一步出警署，上司便立即氣沖沖地招白 Sir 進房。
「阿白，你究竟搞咩呀！半夜三更衝去人哋酒店度大吵大鬧！」
「我係擔心 Gary 仔......」幾乎說到嘴唇邊的實情，卻硬生生吞下去。他總不能說許 Sir 跟他私人行動。即使許Sir只是遵從他命令，也未免太草率。「我唔想 Gary 荒廢事業，去搵援交女人開房。」
「援交？！就算係，有人操縱佢去賣淫咩！頭先 Mr.Lee 話個女人係佢哋酒店嘅 VVIP 嚟，個女人唔搞民事索償就已經夠好彩啦！但係份 report，我一定要寫，Mr.Lee 話會保留追究權利。」
「個 Mr.Lee 係咩料呀！咪又係有錢仔一個。」
「佢呢種唔係叫有錢，係叫富可敵國。人哋喺英國嘅影響力，係大到可以令國會都改變決策。如果佢喺香港出咩事，影響投資的話，直情係外交級別事件嚟。」
「有冇咁誇呀？」
「就係咁誇！阿白，我知你一直當 Gary 係仔咁，但你唔駛連佢同咩女人去開房都理埋呀！Gary 話晒係 inspector，過多幾年就同你同級㗎啦！」
「但我始終係佢上司，我唔想佢有行為失當。」
「我都係你上司嚟！你有冇聽過我講嘢呀！」
「Sir，你膊頭啲花係我同你一齊打返嚟㗎。」
「咁你唔諗下為咩呢個位係我坐，唔係你坐？」
「因為我唔會好似一啲人咁厚臉皮，擦鞋擦到連自己做緊咩都唔知，Sir！」
「你係唔係想咬糧前都要停職呀！」
「唔駛你停我，我停自己！」白 Sir 站起身，呯一聲放下委任證。
「你咩意思呀？」
「你自己話阿 Mr.Lee 咁巴閉，即係要人揹鑊啦！總之，今次唔關 Gary 仔事，有咩投訴就我揹，understand？」
沒有等待上司的回覆，白 Sir 便已經推門離開。
（待續）
重溫：
上一集 >> Let's Play (8) 進入 (未完待續)
從頭睇 >> Let's Play(1)逆援交
心野（一集完）
柏原太賀 facebook：
https://www.facebook.com/Kashiwabara30
