警告
我衝落街，唔駛好耐就見到Vincent嘅背影。就喺我想上前叫住佢嘅時候，一架七人車突然駛到佢前面停低。門一打開，三個大漢隨即落車包圍住佢。
「你哋做咩⋯⋯」Vincent連整句呼叫都講唔晒。
三個大漢快速咁夾咗Vincent上車。我追唔夠幾步，就連尾燈都睇唔到。正當我想報警嘅時候，停喺馬路另一邊嘅一架開蓬車響咹。我一眼就認出坐喺司機位嘅歐生，於是氣憤咁走埋去。
「鍾意我架新車嗎？」歐生率先開口。
「你唔放人，我立即報警。」我無打算同佢閒話家常。
「咁惡做咩呀？頭先有事發生咩？」
「我而家立即報警。」
「自便。不過，我只係咁啱經過附近。同埋，咁黑嘅環境，妳肯定自己見到人樣，或者車牌嗎？」無錯！以歐生嘅為人，佢做任何嘢之前已經諗好晒後續。「如果妳報警有人失蹤的話，先要等48小時。同埋，妳知唔知喺香港，有幾多失咗蹤人口係搵唔返呀？都有十幾個percentage㗎。」
「好。隨便你，反正我同佢都唔熟。」我嘗試放輕Vincent嘅重要性，令歐生覺得自己做咗無謂嘢。不過，完全無效果。
「記唔記得我喺吊船度，同妳講過啲咩呀？」
「如果我要解決佢，真係好簡單。」呢句說話原本係歐生問我要唔要解決Chris。當時，我以為佢只係講笑。但呢一刻，我絕對相信呢句說話係認真嘅，只不過對象唔同咗。
「你威脅我？」我問。
「係提醒，唔係威脅。」歐生答。
「你到底想點？」
「一齊試下新車先講。」
我喺別無選擇嘅情況下，上咗歐生架車。沿途我無同佢講任何嘢，因為我知道無論講咩，都唔會影響到佢嘅行動。為咗一個無辜嘅人，我只好順住佢意思。
「妳好似咁耐都未去過我屋企，係嗎？」歐生喺一間豪宅嘅大閘前停車。
我點都估唔到，歐生竟然大膽到車我去佢屋企；一個瀕臨犯法嘅行為，唔係盡可能避免牽連到自己屋企咩？
「向左上角望一望，最好笑下。」
我望咗一眼，係一個閉路電視鏡頭。心思細密嘅歐生，似乎想留底我自願入屋嘅假象。我雖然非常擔心自己嘅安全，但諗深一層，既然佢留低我進入佢屋企嘅證據，即係最起碼我唔會死喺佢屋企先。
「要唔要飲啲酒？」歐生一貫故作風度咁幫我推門，請我入屋。不過，如今我只感到虛偽得嘔心。
「唔好同我講廢話，人呢？」我問。
「妳既然咁心急，我就帶妳見佢先啦！」
歐生帶我上二樓，當推開尾房嘅房門時，我見到Vincent坐喺房嘅正中間，反手扣住喺張櫈度。
「Vincent！」我衝前撲向佢身邊。唔知點解我會不自覺咁喊出嚟，或者因為見到佢無事，我突然安心咗好多。
「Purple，妳走啦！呢條友傻㗎。」Vincent好緊張咁同我講。
「唔怕，我而家立即報警。」
我拎個電話一睇，竟然無訊號。
「唔好意思。唔記得話妳知，我呢間房唔止隔音，仲裝埋阻隔訊號嘅裝置。妳知啦！我做好多決定，係會直接影響唔少公司嘅股價㗎嘛，比人偷聽到就唔好啦！」歐生胸有成竹咁講。
「我唔理你咩原因。總之，而家立即放……」
我轉身一望，立即目瞪口呆。頭先我因為見到Vincent，所以咩都無諗就衝咗入嚟。點知，原來呢間房嘅佈置同格局⋯⋯竟然係一間充滿變態性玩意嘅房間。
當我發呆之際，歐生已經不知不覺走到我面前，一手捉住我手腕，將我扯跌。我失去平衡，歐生粗暴咁拖行去一個金屬大方架前面，再熟練地用手扣扣住我嘅左手喺垂直支桿。
「妳之前咪問過我，點解我唔愛一個人，都可以同佢做愛？」歐生問。
「你想點呀？」我已經預期到之後會發生咩事，只係驚恐之下，希望得到意料之外嘅答案。
「九唔搭八。」歐生捉住我極力反抗亂舞嘅右手，毫不留情咁扣喺另一邊嘅支桿。之後，好滿意咁繼續講：「因為無幾多個女人，可以忍受到咁大嘅痛楚而又樂在其中。」
Vincent大叫咗一句「賤人！」後，反而令歐生更快手咁攞出一個搖控嘅開關制，肆意露出一個陰險嘅笑容。
「同妳玩完，我立即放人。Are you ready?」
一陣不祥嘅預感令我作出毫無意義嘅反抗，我出盡力去掙脫手扣。不過，手腕嘅痛楚好快就顯得微不足道。全身突如其來嘅刺痛，好像一千把刀開每吋皮膚⋯⋯唔係！直情係一萬支針刺入每個毛孔一樣。原來，我痛得連叫聲都出唔到。
「夠喇！」歐生講咗一聲之後，所有刺痛感消失。我全身發軟，任由兩邊手扣勉強扯起半跪嘅我，身上最後一分力都好似被抽乾咗一樣。「如果再電多幾秒，妳就會因為個心跳得太快而死㗎啦！」
「你……變態……」我未講完就已經開始嘔吐，電力流過嘅後遺症令我身體內裡不停翻滾。
「隨妳點講。不過，原來屬於我嘅嘢，我要親手玩殘先俾其他人。」
歐生一講完，電流又再通過全身。之後，佢話要檢查我嘅心跳，扯開我上身衫，不停扮嘢咁邊按摩我嘅胸部，邊拍我臉頰，問我係唔係清醒。
等我喘氣無咁厲害之後，又再嚟一次，我感覺到自己被電至眼淚、口水同鼻水流出。耳嗚之際，我見歐生指住我下方，好歡樂咁大笑。我望一望，發現自己竟然失禁。
我最後一句聽到嘅說話係：「等我搵嘢塞住佢先。」
而我最後一句勉強講嘅係：「唔好望……求你。」
******
歐生無食言。據Vincent所講，當日我不停徘徊於清醒嘅劇痛同昏迷嘅虛脫之間，之後歐生真係安排人送走我哋。本來當我醒返嘅時候想立即報警，但Vincent阻止我。我哋分析過，基本上完全無證據可言，加上一報警件事就會好張揚，會令我好尷尬。而當然，最重要係⋯⋯
「唔好諗返過去。我哋不如而家開始啦！」
Vincent嘅告白令我溶化。畢竟佢親眼望住我俾歐生蹂躪過，我曾經擔心佢只係內疚先同我一齊。但我哋做愛嘅時候，佢嘅投入令我相信佢對我真係樂在其中。我哋都非常享受彼此，令我確信我嘅擔心係多餘……
的確，係徹底多餘嘅！
四個月後某一日，Vincent同我講分手。原因已經唔重要，因為由一開始，我已經無諗過可以一世留住佢。我只係估唔到分手嘅禮物，竟然係佢嘅辭職信。而且，分手唔夠一星期，佢連所有社交媒體都block咗我。
半年後某一晚，Bella煞有介事咁約我出去食飯，仲同我講係同Vincent有關。起初，我有懷疑莫非Vincent同咗佢一齊？如果係，我係唔係可以大方咁祝福佢哋之後，再拉埋佢一齊去廁所講：「玩下好啦！咪認真呀！」
點知Bella俾我睇嘅係一張喜宴嘅相片，相嘅主角唔係Vincent，佢只係一對愉快新人旁邊嘅兄弟。但呢對新人比較特別，因為新郎竟然係歐生。
「Vincent原來係歐生嘅⋯⋯」Bella講咗好多嘢，大概係解釋兩個男人嘅親戚關係，但我一句都聽唔入耳，因為腦海中所有問題都清楚晒。
難怪歐生知道我喺公司嘅煩惱！
難怪Vincent被襲擊只係輕傷！
難怪歐生預早知道我屋企會有人而預備搖控機！
難怪Vincent被捉走時，合作得無驚動任何人！
難怪歐生言出必行，放過我哋之餘，唔怕我哋報警！
難怪Vincent唔介懷我喺佢面前俾人強暴過之餘，仲能夠享受同我做愛！
我唔止擔心係多餘。身為玩火嘅第三者，以為對方會有半滴真心嘅想法，完全係多餘嘅！同歐生第一次做愛開始，我已經只係player & playee。如果一個男人係真心對妳，又點可能希望妳長期處於「第三者」呢種「人唔人，鬼唔鬼」嘅尷尬身份呢？
我一直以為第三者唔太犯賤，因為都係人玩你，你玩人。反正上到床，邊個嘆邊個，好難講。
但原來最犯賤嘅唔係俾人玩，而係賤到俾人同朋友share嚟玩。
（完）
柏原太賀Facebook：
