advertisement
女神Emma Watson喺感情方面一向低調，即使被多次拍到同男友William Mack Knight約會嘅照片，都唔願意公開戀情，俾呢啲感情慢慢地萌芽，仲有傳二人即將成婚，但最近就有傳Emma同男友已經分手嘅消息，令唔少網民感到震驚同可惜！
雖然Emma未親口證實消息，但根據外媒《Daily Mail》嘅報導，最後一次拍到二人單獨約會已經係今年嘅5月25日，難免令人起疑。作為粉絲，唔知應該感到開心定唔開心好，但點都好，最緊要都係女神搵到自己真正嘅幸福！
一段感情總有離開嘅時候，要走出失戀陰霾，其實最緊要係俾自己過得更好，就好似Emma就曾經喺訪問裡提到：「我還是要努力讓自己找出如何跟自己相處的辦法。」呢個先係令自己走出陰霾嘅方法，要明白失戀並唔係世界末日，你嘅人生仲有好多事情值得去做。
失戀嘅時候，第一件事係要釋放自己嘅情緒，喊並唔係懦弱嘅表現，強裝堅強反而令你更難受；第二件事，千祈唔好將自己當作係悲劇嘅主角，其實失戀並唔係咁慘，你嘅人生唔係剩係得你嘅伴侶，你依然可以生活，需要繼續move on，所以唔好再不斷聽失戀歌自怨自艾，其實係完全冇作用；最後一件事，如果你覺得身邊突然冇咗個人好唔習慣，試下搵下朋友，或者其他活動，甚至係去旅行，去感受一下呢個世界有幾大，你嘅失戀其實只係一件小事。
圖片來源：emmawatson @Instagram 及網絡
