《多少時間多少過客》第二集 (第二及第三章)
Phoebe 和閨蜜 Samantha 去夜蒲，閨蜜第一次見到 Jacky，這卻影響到 Phoebe 和 Jacky 之間的感情？Phoebe又在 工作上認識了模特兒 Anson，帥氣不凡的他是否會愛上像 Phoebe 一樣平凡的女生？
編劇：馮凱淇Cherry
製作及剪輯：馮廸燊 Tiksan
聽後感 愛情訪問
每一集播出後都會有一個關於愛情的話題供大家思考，今期就讓石詠莉與RickyKazaf 來分享他們對愛情的不同態度！
1. 有關愛情，朋輩的意見會不會很影響你的決定？
2.第三章結尾，Anson 說：「電話關機，是因為慣了電話無電才充電🔋，所以熄左機。」換作是你，你會相信是真嗎？
石詠莉：「1. 朋輩唔會影響到我﹐除非朋友有任何證據證明現在的另一半有問題。另外就係我會聽屋企人意見﹐但通常我聽完都會依照番自己諗法去再消化對錯。2. 我會相信一次，免死金牌可以有一次。但喺哩一種情況下，由於相識發展太快，男的又靚仔又高大，仲要係去玩飲醉咗發生關係再發展成情侶的情況底下，自不然我一定會容易諗多咗，係唔會夠安全感同信任，我會要求男方改變哩一種獨特的生活方式，電話一定要搵得到人，否則大多都係容易分手收場。」
對《多少時間多少過客》的點評：「劇本貼地，容易明白角色同角色之間的關係，節奏明快👍🏻 加油！」
RickyKazaf：「1. 以前細個好無自我，身邊的人講咩都會聽，特別如果係愛人同好朋友的話會覺得特別了解我，所以好易受人影響。怕自己既決定會令佢地唔開心。而家長大咗，反而覺得自己會想聽佢地嘅諗法、但自己思考完作決定，而我深信我每個決定佢地都會無限量支持同尊重 🙂
2. 其實有邊個唔係24小時開住個電話？」
對《多少時間多少過客》的點評：『已經好耐無聽廣播劇，喚醒咗我對廣播劇嘅興趣😌」
