夏火老師，你好！我叫汶汶 (化名)，生肖屬馬，和前任男朋友阿建，生肖屬雞，與前任拍拖咗差唔多6年，上年10月時決左(咗) 咗今年10月結婚，亦訂了結婚服務，但今年2月底時我哋因為他同另一個女仔出街睇戲而吵架，最後他提出分手。分手後第二日，他仍然同個女仔出街睇戲食飯。
我哋同居咗兩年半，層樓係大家夾錢買，他負責供樓，我負責做家務。上年，我工作比較忙，壓力亦比較大，大家之間少咗拍拖時間，他間中會約呢個女仔打波同食飯，我亦有提過我覺得女仔對你有意思，他只答大家係朋友。直到分手時他亦否認精神出軌，只認係好朋友關係。
宜家嘅我仍然未搬走，只係大家分房訓 (瞓)，我一直都想挽留呢段感情，但他一直都不冷不熱對待我，但亦會分享他嘅行程及日常事情，只要我提及復合或感情，他只會唔出聲或要我放低，有次被我見到他的銀包仍然保留我哋嘅合照，他亦有講過他有時會被我感動過，令他唔知道他的人生係咪非我不可。
呢段感情令我好痛苦，我唔知我哋可唔可以繼續一齊返 (番)？另外，分手後有一個曾經喜歡我而被我拒絕的男人追求我，我一直迴避接受男人的約會，因為我仍未放低呢段感情，所以唔想接受別人嘅好意。宜家我唔知應該繼續努力挽回定接受另一段新感情？希望夏火老師能為我指點迷津！
汶汶上
汶汶：
筆者為妳占得一支革卦變隨卦，卦中的妳臨兄弟和白虎星，在占問感情卦時，兄弟星主阻礙、不和及戀人間存有感情問題。
2023年妳的感情運將會受到本年太歲所剋制，同時卦中官星亦受到月令星所沖剋，因此本年妳和男友感情將會受到挑戰及負面影響，如處理不當，容易做成感情破裂。
另外父母星於卦中臨空亡之星，同樣是受到本年太歲所沖剋，父母星代表婚書，現時臨空亡星，做成本有還無之狀況，這便是做成妳計劃於本年結婚而最終未能實現之原因。
父母星臨空亡星亦是做成妳思想上未能接受新感情之原因所在。
而卦中官星（男友）和日辰之星所相合，日辰星臨兄弟星，將來容易有另一位異性出現在男友身邊，這亦將會做成妳和男友間感情問題。
夏火上
（如有任何愛情難題想要占卦，可將你及伴侶的中文全名、生肖、感情故事及問題電郵至she.love.sex.channel@gmail.com，經挑選後可獲夏火免費占卦解答。）
