advertisement
之前因紅斑性狼瘡復發好返嘅Selena Gomez，有傳同男友The Weeknd因為工作繁忙，聚少離多而分手，俾人影到同Justin Bieber喺大街上拖手挨膊頭，之後仲甜蜜去踩單車，兩個人全程笑容滿面，任何人睇到都覺得似一對小情侶，引起唔少復合傳言！
雖然唔知佢哋係咪復合，但戀愛中嘅人們，往往都係「口裡說不，身體卻很誠實」，以下幾個無意識嘅身體行為就出賣咗你喇～（只供參考，如果表錯情唔好搵小編算帳啊～）
- 視線一直喺對方身上
就算全世界圍住你轉，你眼中只有對方嘅身影，視線一直離開唔到佢嘅身上，眼神中無時無刻透露愛意。
- 身體向對方傾斜
無論係言談間，定係並肩走路，你會無意中傾向對方，令你哋二人嘅距離更接近，如果對方冇避開，你哋嘅關係就有機會更進一步喇。
- 有意無意嘅身體接觸
同對方喺埋一齊嘅時候，身體會有意無意同對方有身體接觸，例如輕拉手臂、肩貼肩而行，甚至係「吱」對方，呢啲行為都表示梗你想同對方親蜜！
- 面上笑容
最後一樣，亦都係最顯而易見嘅徵兆，就係你面上嘅笑容！如果你同對方一齊嘅時候，無論佢做咗啲咩，即使只係一啲芝麻綠豆嘅事，你嘅嘴角都會不自覺上揚，咁就證明……你戀愛了！
（圖片取自網絡）
