Vera Lui：前戲的前戲

前戲之前再有前戲？唔係呀嘛？

沒錯，在我眼中，「前前戲」比前戲更重要。

其實一場令人再三回味的性愛，就像港男港女拍拖時去吃飯一樣。

一頓餐，通常會有頭盤、主菜、甜品。頭盤，即是前戲，通常是一些刺激味蕾、生津開胃的菜式，預備食客享受即將上枱的主菜。而主菜當然就是大家最期待的環節，煎炒煮炸炆燉蒸焗，各適其適。

吃完主菜，大家都到達 Foodgasm* 的話，通常就會結帳離場。若果還未夠喉，那就會再點一份甜品，直至大家都大呼滿足，開開心心地離開餐廳。

所謂「前前戲」，就是港男港女吃飯前必有的對白：

港男：「你肚唔肚餓？不如而家去食野呀！」

港女：「都未係好餓，晏啲先食都得。」

港男：「咁陣間食乜野好？炸豬扒飯好唔好？」

港女：「呢排我好熱氣，個口生左粒飛滋，不如食壽司？」

港男：「但我唔多鍾意食海鮮……不如試下新開口嗰間饅魚飯專門店，我朋友話好好食架。」

港女：「好呀！」

但試問我們做愛前，又有幾可會問下另一半：「今晚想唔想做愛？」「想被人摸邊度？」「邊度唔想比人摸？」「想錫邊個位？」「想點錫？」「錫幾耐？」。而其實這類做愛前的溝通，比起任何「前菜」、「主菜」和「甜品」更重要。

要有一場驚天動地的性愛，我們都要講多啲，唔好忍住先。你一言，我一語，大家就能找出一個雙方都喜歡和感到舒適的中間點。因為只有溝通，大家才可以步伐一致，由同一個起點出發，同步達到終點。

* Foodgasm ＝ Food + orgasm。意指你吃到的東西太好吃了讓你產生了仿佛高潮一般的快感。

Follow Vera：

【Instagram】@sallystoy.vera