advertisement
有好多人偷食又唔認，比人捉到又扮哂係真愛借機會分手，
更甚嘅直情扮哂情聖咁款話「我都控制唔到」，真係好噁心。
你同一個人拍咗拖好多年，悶啦，厭啦，之後出軌去搵第二個，
大家明，人之常情，總有人鍾意試新野，咁不如你直接分手啦，
一開始又做咩要拍拖？要同人地一齊？不如一開始就做無腳既雀仔啦？
好啦，係要等到比人識穿你偷食，先肯講出口，不過佢地永遠唔會乖乖講分手，而係總要扮到好委屈好似佢先係受害者咁，唔知仲以為佢比人拎住枝槍指住佢個頭迫佢偷食，佢地往往都理直氣狀話「我都唔想架！」，攪笑，唔想你又去做？
講完一大輪，終於話分手啦，但係又要拎返個尾彩，明明你偷食就係你錯，但係講到自己大聖人咁，「我諗我地其實一早已經唔適合，所以都係分手」，扮咩呀，明明就係你偷食在先，呢個時候又講咩唔適合呀？你不如坦白講因為你鍾意左第二個，貪新忘舊所以要分手啦。
其實真係有時候真係好慘，落力為你好，得不到分數，一開始你無人無物我都咁愛你，陪左你咁多年，但當你稍有成就，有返自信就離我而去，你永遠唔記得係你人生低谷果陣時係邊個拉你一把，你眼裡面只有你依家既成就，同埋你覺得自己應該可以享有更好既一切，包括伴侶。你呢種人真係好自私，只係諗自己，永遠唔會考慮人地感受同埋諗過要回報對你好既人。
你唔好搵十萬個藉口話我唔明愛情又或者話呢個世界係咁架啦，Ｓｏｒｒｙ，真係唔係咁，唔好將你扭曲既價值觀套用係正常人身上，你要鍾意第二個，唔該你直接講，唔好係到假仁假義，呢樣果樣咁，最後一次交談，唔該你比返少少作為男人既骨氣比我睇好嗎？
我唔想將來同人地講返起你，對你既印象只有廢柴同渣男兩種感覺，
話哂你都係我個前度，唔該你啦，你偷食咪偷食囉，扮咩野啫？
不如偷食之前直接同我分手先啦，好無？
Facebook: www.facebook.com/iam800yearpromise
Tumblr : promiseof8.tumblr.com
Instagram : promiseof8
