貽興︰
你好！我最近有一d 感情上嘅野諗唔明白，想請教一下你，我想知道男生嘅諗法！
我同一個男仔識咗兩年幾，我同佢之前係同事。我哋當時識咗無幾耐就開始好熟，我嗰時對佢都有d 好感，覺得佢係一個好男仔。當時佢有女朋友，我同佢只不過係好朋友。
過咗幾個月，佢同佢女朋友分咗手，由嗰時到現在為止佢都仲未有女朋友。我同佢無喺同一間公司做已經一年幾，而一直以嚟我同佢成日都講電話，有時會出去，我知道我係佢最 close 嘅女仔frd。
大約一年前，我有兩個月時間左右覺得自己鍾意咗佢，我當時有暗示咁問佢我哋有無可能，佢就話我唔係佢鍾意嗰類型嘅女仔，咁之後我都算啦，知道佢唔會選擇我。我哋繼續係好朋友，我哋之間咩都會講。
而我識咗佢咁耐，佢今年第一年送生日禮物俾我，我都幾surprise！
到咗個幾兩個月，我哋嘅話題就變得有d 奇怪，成日都講埋d 關於sex 嘅嘢。我諗係因為佢太dry，兩年幾無拍拖，而我知道佢好乖，喺呢段時間都無同其他女仔有性關係。
我哋差唔多日日都講呢個 topic，到後尾係講到佢想同我做。而一直以嚟，我都覺得大家只不過係講笑咁講，到咗有一日，佢又講起，我就話好呀（其實因為我自己都有需要）。之後佢問我係咪認真，我話係呀。佢話佢好珍惜我呢個朋友，唔想因為做咗之後而有改變，我就話唔會啦！
終於有一日，我哋真係發生咗關係，而之後大同都當無事發生，不過佢有時都仲有同我講d sex 嘅嘢。
我哋成日都祝對方快d 搵到另一半，但其實我想知道，佢係咪一d 都無鍾意我？我哋係咪真係無可能？
因為我唔想問佢，我唔想問完之後破壞我哋之後嘅友誼，所以我只好問貽興你，你覺得佢係咪只係當我係一個好好嘅朋友？點解我會咁迷惘係因為我覺得佢呢幾個月對我好似比以前好咗，同埋關心多咗，唔知係因為我同佢識太耐，佢好自然對我好咗，or 佢都不知不覺其實鍾意咗我？
小霜
小霜：
男人跟女人的腦袋有時候並不一樣。譬如說，同一件事情，女人會不自覺把它浪漫化再接收進腦裡記住，但對男人來說，根本就沒有使用你一直不自覺使用的濾鏡。
你覺得他是你好好的朋友，但他其實只把你當做一個很好上的炮友。
他早已表明你不會是他女朋友的料子，不過是因為太久沒有拍拖，對性方面有所渴求，加上身邊沒有其他更好更易上的獵物，就連你也不放過了，誰知道只抱著姑且一試的心態，同時對幾個女仔出手，在被其他女生粗口問候與疏遠後，竟然有個叫小霜的女生沒有抗拒，還更進一步，當然食得唔好嘥！
所以，他就很清楚的跟你說明，做過之後，希望不會有所改變。
他也許有一點喜歡你，但喜歡的只是你的肉體，或者也不算很喜歡，不過是目前唯一選擇，有所依戀而已。他對你好一點，也許只是出於內疚，不一定跟愛有關，如果他真的那麼愛你，要是他跟你造愛過後發覺自己忽然愛上你，他就會在對你好之餘忽然對你很認真，甚至變得很結巴很尷尬，他有嗎？
如果沒有，那麼，他一切補償行為，不過是你濾鏡下的自我美化與自我浪漫化行為而已，跟事實不一定有關係。你可以繼續豬，但不要抱著不切實際的希望，以及對這樣的一個男人有所期望。
祝 早日清醒
貽興
