邊減肥邊呃like! 跟女明星學「做gym自拍術」

近年，愈來愈多女明星都突然愛上做gym，有的更把自己塑造成運動健將，不時將自己在gym房的自拍上載到社交平台和大眾分享健身成果！可能有人會覺得這樣的自拍太造作，但有研究顯示，人們只要借助社交平台給予的群眾壓力，減肥就能達至更好的成果。換句話來説，做gym時上載自拍是有助減肥的！咁仲唔快啲跟女明星學吓點樣邊做gym減肥，邊po相呃like?

圖片來源: 網上圖片

第一招: 呃視覺效果晒長腿
做運動都應該著短褲仔，而這時候妳可以選擇學樂曈將長腿對鏡45度擺放自拍；或跟阿sa腿張開，重點是要「咪腳尖」，自拍時就可以令腿部線條看下去便修長。

第二招：隱惡揚善
如果做gym減肥效果不出眾又想呃like咁點算？可以學阿嬌把自己最瘦的地方(面部、鎖骨、手臂）拍出來，再藏起不滿意的身體位置，這樣就神不知，鬼不覺！

第三招：著sport bar晒腹肌
自問健身效果相當理想朋友都可以學胡定欣著住sport bar晒腹肌，而小技巧就是要前後腳企，再將身體對鏡扭轉45度，這樣自拍就可以令腹部線條更明顯，自然like都可以呃多啲！