吳日言經痛20多年揭患朱古力瘤：「要正視經痛，唔好以為後生就唔會患上婦科瘤！」

幸福人妻吳日言（Yan）自從與圈外老公結婚，並於去年誕下女兒Bea後，不時在社交媒體分享家庭樂。日前，她就分享了一篇關於經痛心路歷程的長文，指她跟很多女生一樣，被經痛問題困擾多年才發現自己患上朱古力瘤！

Yan憶述第一次經期來時的興奮（延伸閱讀：月經時了解身體狀況 女生必需留意經血顏色），感覺自己終於大個女，想不到原來是惡夢的開始！「讀書嘅時候真係好唔鍾意大姨媽黎搵我，因為真係好痛好痛，嗰種感覺係個子宮俾人鍊實一樣。甚至因為太痛嘅關係，我試過痛到係街上暈倒，亦試過痛到要去急症室打止痛針，甚至因為太痛嘅關係，嘔返晒啲止痛藥出嚟。」（延伸閱讀：讓男生一秒看懂的：七級經痛對照表）

經痛的情況一直無間斷持續20多年，直至做婚前檢查才發現子宮有相約乒乓波體積的朱古力瘤，「原來我嘅經痛係病，我嘅子宮一直都係度向我求救！」她說，經痛是婦科瘤如子宮腺肌瘤，子宮內膜異位（又稱朱古力瘤）等的常見病徵之一。（延伸閱讀：子宮肌腺瘤可引致痛經，嚴重更可致不孕！）

相信很多女生跟Yan一樣，以為吃止痛藥便可撐過去，即使痛到又暈又嘔，經期完就會沒事，完全沒有想過痛也是有成因的！「其實早一個月處理就有機會痛少一個月，唔好以為後生就唔會患上婦科瘤，諗住痛下忍下會慣嘅同時，其實個瘤有機會慢慢變大緊而令你越來越痛！所以你每次嚟月經嘅時候，都有唔舒服或者經痛，就應該要立即搵醫生去檢查一下！」

女士們，如果你們正飽受經痛困擾，不要以為只靠止痛藥便可撐過去，不要選擇忽略經痛，因為經痛很有可能是你的子宮向你求救的訊號呢！