天鴿襲澳門兩支水$150？唔一定要飲水，5種食物助立即補充水分

昨日天鴿襲港澳，全澳門廣泛地區出現停電斷水，造成嚴重破壞。正當災情危急之際，有網民在網絡上傳兩張店舖價目表的照片，瞬間熱傳，更引起網民怒罵，究竟發生咩事？

呢兩張照片來自澳門當地藥房和餐廳，停電期間竟坐地起價，兩支700毫升蒸餾水索價$ 150 ，而叉燒飯就要成$100一盒，令網民大罵店舖乘機抽水「發災難財」，沒有良心。更有網民指$150兩支水比酒店仲貴，直指店舖太過分。但有網民就澄清話$150兩支是指藥品，雖然未知是真是假，但坐地起價的行為都是不可接受！

天災嘅發生避無可避，但只要我哋關心社會多啲，將心比己，人禍係可以避免嘅。如果不幸真係冇水，或者唔鍾意飲水嘅話，其實以下幾種食物都可以為你身體急急補水！平常多吃對身體有益～

1. 瓜類

瓜類能夠迅速補充肝醣儲存，其中西瓜、哈密瓜等瓜類中有90%都係水分，運動後食用可補充身體水分。

2. 莓果類

莓果類含有92%的水分以及豐富的花青素，能夠減少運動後的發炎問題或疼痛。

3. 穀類

米飯、燕麥、藜麥等穀類在烹煮時會吸水，人體在消化過程中就能吸收呢啲水分。另外，燕麥中的水溶性纖維也能夠吸附膽固醇，對身體有益。

4. 甜椒

含有92%的水分同維生素A嘅甜椒是最能幫助補水的蔬菜之一，每個紅色甜椒可以為我哋提供每日所需的維生素C。

5. 芹菜

芹菜有95%的高含水量，更是低熱量、高纖維的好食物，對減梗肥嘅你都好有幫助！

（圖片取自網絡）