咪成日掛住Gathering啦！4日長假讓好身材復活吧！

每次放假，都只係諗住去邊度吃喝玩樂？開心歸開心，有冇覺得自己愈來愈有幸福肥呢？講真，女人真係要Keep架！想唔想要副好身材先？想就趁幾日唔使見人，閉關Train Train佢啦！嫌我煩都要講多次，靚唔靚，係自己揀架！

糖份致肥，更會影響皮膚與身體機能，百害而無一利，所以第一日要做的第一件事，就是戒掉糖份。除了一切甜品唔食之外，其實還有好多陷阱，包括白米飯、烏冬、白麵包、香蕉、芒果、菠蘿等，建議以燕麥、意粉、豬肉、雞蛋及蔬菜做正餐。

致肥飲食除了甜嘢，就是多油；煎炸、精製肉丸、肥肉等高脂肪食物要避開之外，牛油、醬料等調味品其實都含有好多反式脂肪。唔想變肥妹，就是食得清淡一點。

脂肪以外，水腫都會令人口腫臉腫同身腫，而做運動就有助提升身體的新陳代謝率，排走多餘水份；跑步、游水、跳繩或球類活動都是帶氧運動，抖咗兩日係時候谷一谷自己去郁動下喇！不過又唔使迫得自己太盡，慢慢來就可以了。

消脂過後，就到塑型環節；可做一些靜態的瑜伽，如果唔識一般拉筋都可以。這樣做既可紓緩前一日的肌肉疲勞，亦可拉鬆肌肉與筋絡，令身體線條更修長。