咪以為「立秋」後未涼唔使養生！5種食物保持靚靚肌膚

噚日係中國傳統所講嘅二十四節氣中嘅「立秋」，換言之秋天嚟喇！雖然未有凍嘅感覺，但近呢幾年嘅天氣真係捉摸唔到，話變就變，等小編同大家一齊防患於未然，依家開始食多啲以下呢幾種食物，等真係涼嘅時候，就唔怕皮膚「鞋烚烚」，手足無措啦～

1. 立秋護膚食物之選 – 魚類

魚類中，特別係深海魚類，含Omega—3脂肪酸，可以消除損傷皮膚膠原，又含有皮膚保濕因子，防止皺紋產生，係幫助女性延緩衰老嘅食物之一。

2. 立秋護膚食物之選 – 蕃茄

蕃茄有助於美白、防曬，有研究又指出，蕃茄仲有助於撫平新皺紋，使皮膚細嫩光滑，並且預防黑眼圈，一舉多得！

3. 立秋護膚食物之選 – 花椰菜

花椰菜含有大量嘅維生素A、維生素C、胡蘿蔔素，對於提高皮肌膚抗損傷能力、保持肌膚彈性，都有好好嘅作用。

4. 立秋護膚食物之選 – 蜂蜜

蜂蜜含有大量易被人體吸收嘅氨基酸、維生素、糖類，對於肌膚是係好好嘅保養品。秋天多食用蜂蜜仲可以潤肺去燥，由內至外養生！

5. 立秋護膚食物之選 – 海帶

海帶含有豐富嘅礦物質，可以調節血液嘅酸鹼度，防止皮膚過多嘅油脂分泌～