假期前失魂症你中咗幾多個？

放假前夕的心情，真係好鬼複雜，仲會做好多平時唔做嘅事，彷彿變了另一個人。以下列舉的幾個徵狀，如果你中咗3個或以上，很不幸，你已患上假前失魂症！雖然並非絕症，但小編還是奉勸大家，其實都仲有2日先放復活假，都係認真啲工作啦，唔係小心失魂變失業呀！

平時明明好努力做嘢，但呢幾日就神不守舍，嘢唔止做得慢，仲要做錯添！

唔知有意定無心，總係將時間推前幾日，就好似今日明明係TUE，你就以為係THU囉！

準時返工一早已經習以為常，但呢幾日就梗係唔知醒，醒咗又唔願落床，覺得張床好似有股無形嘅吸力咁！

明明數據就嚟爆，都會不顧一切、不分晝夜地不停Loop電話，特別係IG、旅遊Tips網等等，生怕Miss咗最新外遊資訊。

去旅行Shopping好正常，但都要影靚相嘅，仲要係不經意嘅自然流露添！根本，由出門開始就要戰衣上身，所以係唔會等得切，喺香港就已經要大開殺界啦！