90後港女盤點6大初老徵狀「胃口細咗、捱唔到夜」！ 5大抗衰老貼士：改善新陳代謝靠XX

衰老是每個人必經的過程，不少人都有感到了二十多歲身體機能就開始老化。近日，一名90後港女在討論區發帖，指自己有感身心老得很快，例如是體力大不如前，心態上亦變得麻木、失去動力；加上職場和家庭方面的壓力。以下為大家解剖5種初老症狀以及對應方法。

90後港女發文指步入衰老

近日，一名港女在D Card討論區發文，指年紀已經去到20後半準備30歲，發現自己有一些衰老的徵兆，例如是「胃口細咗，唔似以前咁可以大吃大喝，但食得少咗依然冇瘦到甚至會肥咗，又易消化不良」，再者，她又指「皮膚愈來愈乾，但嚟m依然會出粒粒，復原得比以前慢好多」。

而且，睡眠方面亦有所改變，如「完全捱唔到夜，但瞓極日頭都好唔精神，成個人好重好攰，覺得真係需要運動下個人，但又唔似以前咁有動力去郁」。

除了身體方面有明顯衰老狀態，樓主在人際交往以及社會地位上亦開始有所顧慮：「開始返工又稱唔上阿姐，但已經唔係阿妹，尷尬，愈來愈多同事細過自己，甚至細過但高級過自己」、「愈來愈多催結婚嘅聲音，但覺得自己仲好細個，心態冇成熟到要結婚生仔」。

最後，樓主又指出「開始有事業同經濟上嘅焦慮，唔似一開始咁可以亂轉工，唔似以前可以義無反顧裸辭，話去幾個月旅行就去，去移民重新開始等等全部唔敢，開始擔心冇得再轉行」。

事實上，年過30歲，不少男女都會自覺得體力和生理質素大不如前。針對樓主的煩惱，以下5點抗衰老貼士可以幫助提升身體機能。

隨著年紀增長，膠原流失會增加肌底空隙，進一步減低鎖水能力。因此，每星期最少 1 至 2 次去角質是必須的，讓抗衰老護膚品更容易被皮膚吸收，也令皮膚變得有光澤。

新陳代謝會隨著年紀而變慢，多補充維他命B群有助補充輔酶，同時可補充維他命C及多喝水，幫助身體代謝。同時，規律的運動亦有助加速代謝。

樓主指「成個人好重好攰」，實則有可能是因免疫下降，建議多補充優質蛋白質、鋅和植化素，多吃各色蔬果並避免加工食物，有助補充氨基酸；也可多吃蠔、貝殼、海鮮等食物。

樓主提到「易消化不良」因而胃口變小，建議多補充纖維、好油脂和水分，可多吃牛油果、堅果、植物油，同時補充足夠水分，每天吃夠5份以上的蔬果最佳。

年紀步入30歲，不少人都會有關節不順的問題，可通過多補充魚油和葡萄糖胺潤滑關節，也可多吃魚類、甲殼類、魚油、保健食品等。