食完唔使減肥！嚴選 Guilt Free 派對小食！

每年負責搞聖誕派對、負責訂食物的人，值得大家深深敬佩！因為搞派對又要租場又要佈置已經夠瑣碎，訂食物時還要顧及這個要減肥、那個不吃紅肉、誰人不吃澱粉、老闆不吃煎炸⋯⋯煩到一個點！煩到想求其訂幾桶炸雞再加幾包薯片以及買幾打黑糖珍奶就算。

炸雞珍奶派對如果每星期兩次，半個月就肥10磅！營養師建議，想食得健康又有 party feel，選擇小食時可以考慮以下幾點：

1. 沙律走白汁

千島醬及蛋黃醬都是脂肪含量偏高的沙律醬，就算選擇 low-fat 幫助也不大。不如改食不靠醬汁的沙律，例如是地中海青瓜番茄沙律、中東芫茜番茄沙律（Tabouleh），或是意大利番茄水牛芝士沙律（Caprese），用香草、橄欖油及黑椒調味，油脂及熱量大減。

2.優質原型小物

與其吃腸仔、魚蛋等加入大量添加劑的加工食品，不如改吃牛油果Deviled Egg或原隻凍蝦的優質小食。做法不難，只要盡量使用原型食物（Whole Food）配搭蔬菜，適度調味就不易致胖。

3.氣炸減油膩

派對入面總有參加者愛吃煎炸香脆食品，例如是炸雞翼、炸豬扒、炸薯條等，如何做個健康版本？只要選擇沒有加炸漿／炸粉的炸物，盡量是原型食物（薯角會比波浪薯條更接近薯仔原型），用氣炸或烤焗方式烹調，就可以香脆得來熱量適中。

4.水果代蛋糕

蛋糕入面有麵粉、芝士、牛奶、雞蛋及糖，即使一小件已經熱量不少，不小心吃多幾件就恨錯難返。以新鮮水果做成水果串，代替甜品，既有營養又色彩繽紛，小朋友或老人家都喜歡。

5.勿忘飲品有熱量

好多人在食物方面小心翼翼，卻是栽在含糖量極高的飲品裡，忘了飲品的熱量一杯可以等於2-3碗飯！黑糖珍奶固然是熱量爆表，一杯最少700Kcal；果汁也不見得健康，一杯橙汁也有400kcal。想飲得健康，可以用少量果汁加梳打水，或者自製水果茶，或用鮮果及蜂蜜製作飲品，加入奇亞籽代替珍珠的口感。