advertisement
圈中唔少藝人都有定期做善事，但要好似發哥咁自己成立基金會，仲捐晒成副身家，就唔係個個做到。雖然曾經「最高收入男星」排行榜，年賺億港元，但發哥一於好少理，錢財身外物，健康對佢嚟講似乎更重要。
最近發嫂都有接受傳媒專訪，就話：「因屋企人平日已經照顧晒，成立個慈善基金嘅目的就係要幫真係有需要嘅人。」發哥有愛心嘅同時，對自己嘅身體管理都好好。「發哥夜晚10點幾就瞓，有時佢要去跑步就5點半起身。」發哥自己都曾經喺訪問中講過，自己平時都係行山度日，冇咩機會用錢，銀包亦都放好少錢。要好似發哥咁fit，其實唔使劇烈運動，「行路」一樣得！
醫生建議，每日最少步行一個半小時，再配合均衡飲食，就可以健康修身。但即使只係行路，亦要持之以恆，每次運動都需要持續5分鐘或以上先至有效果，因為運動頭兩三分鐘只係消耗糖份，之後先至開始燃燒脂肪。
不過做任何運動之前，都要做足熱身運動，特別係腳掌、小腿、大腿、膝關節及腰部嘅位置，因為即使係步行，都會增加膝關節壓力，所以必將膝關節及周圍的肌肉拉開，令膝關節分泌多啲潤滑液，先可以起到保護作用。大家睇完，仲唔快啲起行KEEP FIT？話唔定轉個頭就見到發哥喇～
（圖片取自網絡）
