advertisement
全城瘋玩的《Pokemon Go》，有人覺得有趣，亦有人話佢無聊。作為識玩嘅玩家，又怎會只局限於表面！就連宣傳片都係踩住單車活捉精靈，這個遊戲根本就是在迫人減肥吧！不過，夏日炎炎天天凍飲又雪糕，總算牠來得及時，即刻投入其消脂大計啦！
1 揀輕食
捉精靈的機會稍縱即逝，不想錯過每個機會，可嘗試減少自己大魚大肉的次數，改以快捷又低脂的輕食料理，從中減少卡路里吸收。而且，一天下來收穫如此豐富，唔食都飽啦！
2 多行路
想有收穫就要付出，想有多幾個投擲精靈球的機會，就要多多踏出自己的步伐；在捉下一隻，捉下又一隻的情況下，或可完成每天一萬步的健康指標。
3 輕鬆跑
不少人抗拒跑步，是因為認為這是件既辛苦又沉悶的事。若然音樂都未能幫你消減這個想法，今次機會嚟喇飛雲！邊跑邊追尋精靈下落，又或是欣賞一下自己的成績，不就可以分散注意力嗎？再玩盡啲，放工繼續夜跑又點話！
4 暢泳
良久沒有到泳池或沙灘嗎？據小編道聽塗說，水性精靈就是會在水邊出沒，這分明就是要你落水吧！就算不游，踩踩水也是腿部運動呢！不過，首要條件是你部電話識防水呢！
最後，小編在此祝願大家盡快捉晒133隻精靈再進化，兼減肥成功！
