advertisement
最近喺網上瘋傳嘅「球鞋」照片，網民熱烈爭論究竟係粉紅加白色，定灰加綠色，又令人重新諗起再早之前熱傳嘅「連身裙」照片，大家為自己睇到咩色各執一詞，究竟邊隻色先係啱呢？
事實上，顏色其實只係一種主觀想像，唔同人都有不同嘅想像，所以當我哋見到唔同色，其實兩者都冇錯～早喺古希臘時期，現實主義一派認為，顏色係事物嘅固有屬性，係人對顏色嘅印記，就好似紅色係蘋果嘅顏色一樣。但去到17世紀，伽利略就推出顏色係「主觀」嘅存在，係腦海中嘅想像。所以，唔同人睇到唔同色都好正常！
不過，根據美國紐約市立大學布魯克林學院心理學教授Israel Abramov嘅調查，因為男女荷爾蒙唔同，影響大腦如何處理同詮釋眼睛所接收到嘅訊息。男性需要更長的波長先可以見到同女性眼中一樣嘅顏色，結果顯示男性好難分辨黃色、綠色和藍色色調嘅細微色差。
根據香港衛生處數據顯示，每100名男性有8名色弱或色盲患者，而每 200名女性就只有1名患者，證明男女本身對顏色的「辨識能力」就有差異，對顏色的敏銳度都唔同，所以睇到咩色大家都冇錯，唔好再爭論落去喇～
圖片來源：網絡、Brightside.me
