新年「糕」…「膏」… Go!!

佳節當前，美食難以抵擋，每到一處拜年，親朋戚友必熱情款待，糖果、蛋糕、朱古力、油角、煎堆擺到一枱都係。仲未計團年飯和開年飯餐餐大魚大肉，盆菜、豬手、蠔豉、鮑魚......

很不容易才搣甩2磅，未到初七已經賺返3磅，所以最容易肥應該是農曆新年。

最受歡迎的賀年食品離不開蘿蔔糕、芋頭糕和馬蹄糕！但數算最邪惡的莫過於年糕，除了本身糖分高，加上年糕要沾上蛋漿，再用油煎到兩邉脆中間煙煙靭韌才好吃，真係「肥到」不得了！一小片已經相等於半碗飯的熱量。千祈唔好以為鹹糕就可以盡情地吃，蘿蔔糕和芋頭糕的熱量也不少，為了加強「色、香、味」，當中用了肥肥的臘肉，臘腸和醃製過的鹹肉， 鹽分和脂肪含量非常高。由初一食到初七，真係步步「膏」升呀！ ( 肥膏的「膏」) ，所以農曆新年絕對是一個考驗！

 

不過大時大節完全不吃又有點兒掃興，所以要吃就要吃得精，吃得醒！

1. 吃自家製的賀年糕，加入什麼配料，甜鹹度也可以自己控制

2. 以蒸的方法代替煎，減少油分

3. 少食多滋味，限自己每次淺嘗一兩件就收手，控制熱量吸收

4. 不額外加調味料如豉油和辣椒醬

健康提示：佳節期間別忘記三低一高的飲食原則（低鹽、低糖、低油及高纖)，也要保持運動，祝大家新一年食得健康！識食唔怕肥！