advertisement
成日以為飲咖啡一定要係朝早，但唔知大有冇發覺有時反而愈飲愈攰？有專家就指出，飲咖啡原來都有黃金時間，飲得合時，先會真係起到提神作用！
營養師 Laura Cipullo 就話，當我哋朝早起身，身體會產生大量嘅皮質醇，特別係朝早8點至9點呢個時間，容易令人感到恐懼、疲倦同焦慮，呢個時候飲咖啡，原來係會增加身體嘅皮質醇，所以記得朝早起身就算幾眼瞓都好，唔好立即飲咖啡啊～
重點嚟喇，咁幾時先係飲咖啡嘅最佳時段？神經科學研究人員Steven Miller表示，當身體的皮質醇增生減慢時，咖啡因就可以發揮到提神效用，亦唔會帶嚟過多嘅皮質醇，而最佳嘅飲咖啡時間係朝早9:30至11:30之間、中午12點至下午1點之間、下午5:30和下午6:30之間，鍾意飲咖啡嘅朋友記得mark低喇！
不過，都要提醍返，長期太依賴咖啡因始終對身體唔係一件好事，凡事適可而止就好，唔想咁冇精神，就早啲瞓啦香港人！
