advertisement
人就係咁，隔離飯香。頭髮多就羨慕人哋又薄又貼服的頭髮，頭髮少又會恨有自己永遠得不到的髮量；但講到造型，問十個髮型師十個都會話髮量多一定比較好，特別是髮根勁貼頭皮的那些女生，想造出立體髮型就特別難！所以，向來有諗頭的日本就提出用有氣水來洗頭，話咁樣有助髮根挺直喎，究竟原理係咩？事實又係咪咁呢？！
有氣水（Sparkling Water）
每當去餐廳，Waiter問要Sparkling Water定Still Water時，小編一定揀Still Water，因為害怕Sparkling Water那種苦味。但原來就是這一道苦味，足以拯救扁塌髮根！
據日本傳來的消息指，有氣水含碳酸成份（苦味來源），去油力強，有助改善因油性頭皮而引致的髮根扁塌問題。同時，當中的活性亦可促進頭皮血液循環，令頭髮生長得更健康，韌性提升了，髮根自然比以往堅挺。
不過，亦有台灣皮膚科醫生提出質疑，首先可樂之類含糖份的有氣水，就有機會堵塞毛孔引發頭皮炎，另外，即使是無糖，碳酸也具一定的侵蝕性，長期使用會損害皮膚和髮質。
咁點算好呢？日日咁洗當然唔好，但若當天需要出席重要場合，想Set一個立體髮型，視為急救之用又未嘗不可呀！
