陳凱琳新髮型一樣煞食？話你知4大條件最適合剪瀏海！

前日陳凱琳（Grace）就自己喺社交平台同大家分享佢嘅新髮型，片中佢好興咁話自從17歲後就冇剪過瀏海，今年適逢27歲再度挑戰瀏海造型，雖然不少粉絲都說她看起來的確「重返17歲」，但亦有人覺的新造型不太適合Grace，驟眼看來更有點像Do姐呢！其實剪瀏海的確需要好大勇氣，想知自己係咪適合瀏海造型，即睇以下checklist！

1. 額頭高
本身額頭高對剪瀏海好有利，因為可以修飾臉型之餘，剪瀏海後亦可以令臉看來變得更加細！
2. 長臉
同額頭高嘅情況相似，長臉形有先天優勢，剪咗瀏海反而會令比例更好！但要注意最好避免「眉上瀏海」，太短嘅瀏海反而會臉看起來更長啊！

3. 肯打理頭髮
剪瀏海後，每天出門都必需花時間夾彎、梳好，先可以散發自然空氣感。如果唔好好處理嘅話，瀏海睇起來亂七八糟，建議你都係唔好剪好喇！
4. 髮質軟
髮質太硬嘅人，剪瀏海後前額頭髮好易彈起，同時亦好易變得厚重。相反髮質軟嘅人，剪完只要輕輕夾彎，望落已經十分輕盈，相對下亦比較易打理！