有冇諗過…出世都依家你都一直洗錯頭？

身邊經常有朋友問：「究竟我用乜洗頭水好？」、「呢款洗頭水啱唔啱我？」、「點解我個頭成日都咁笠？」 ……幾經查問，發現原來大多問題都出在洗頭的方法上。

香港地方淺窄，一般屋企都係用企缸，所以洗頭時花灑同頭皮的距離就比較近，溫度自然相對較高。雖然，熱水係清潔力強，但又會令身體自動釋放出油脂分泌來平衡頭皮， 所以頭頂近前額位置經常油笠笠，而熱水亦會使髮尾的油脂流失，失去保護，結果髮尾就相反地太乾。

另外，現時多數洗頭水都較濃縮，如果直接把洗頭水放到頭頂再用力捽，便會刺激頭頂頭皮，有機會又再引致更多油脂分泌，嚴重嘅更可能生頭瘡甚至脱髮。

所以，建議先把洗頭水倒在手掌心並搓開，再從後尾枕輕揉至頭頂。如果接受唔到用冷水洗頭，不妨洗頭時蹲下一點，拉遠花灑同頭頂之間的距離，降低接觸頭皮的水溫。至於在髮尾塗護髮素時，應從髮幹順著輕揉至髮尾，若然頭髮屬於受損髮質或天氣較乾燥時，最好每星期多用一次髮膜或保濕成份較高的洗頭水來保護髮絲健康。

最後，洗頭及抹頭時，應用毛巾包裹再用手輕輕印乾或扭乾。絕對不要再用力搓頭髮，這樣會令鳞狀表層過度打開，頭髮的養份就會流失及失去光澤。