要瘦趁而家！揀番對靚款運動鞋先有動力跑

經過一些秋與冬，你嘅減肥大計進展如何？夏天殺到來了，如果仲係停滯不前嘅話，揀番對靚款運動鞋，會唔會俾到更多動力你去跑步呢？今季各大運動品牌都推出時尚與巧能兼備嘅款式，有比賽專用的跑鞋款，也有融入街頭元素嘅sneakers，做運動時咪可以成為眾所矚目嘅焦點囉！

首先登場嘅係呢對Kanye West與ADIDAS ORIGINALS推出嘅YEEZY BOOST 350 V2全新「Cream White」純白配色，有齊成人及童裝版本，再次掀起全城熱潮。以純白色Primeknit構成鞋面，配搭同色調的鞋身及後跟拉環縫線，盡顯簡約格調。

重點是，抽中左自用就夠晒潮；拎去炒亦有價有市，二手都保值啊！咪話小編唔提你，網上登記抽籤聽晚就截止啦！

早前NIKE Air Max Day中全新登場嘅Vapor Max，無聽過個名都一定有見過個樣，因為一推出已經被一班潮人如G-Dragon、Joey、徐濠縈拿來拍outfit，仲大曬一堆OOTD照！

底部嘅氣墊係呢款鞋最signature嘅設計，被捧到似一對Fashion鞋多過運動鞋，著住黎做運動就更加有潮味啦！

仲同潮牌 COMME DES GARCONS 出聯乘款，型到呢！

SKECHERS今季嘅Go Walk系列好令人surprise，鞋款革新左，除左夠輕身，顏色亦好鮮豔有活力，運動裝和平日穿搭都好容易襯到，所以完全顛覆左小編對呢個品牌嘅印象啊，鍾意花巧嘅女生不妨諗諗！