真係捨得買？過萬BALENCIAGA袋 IKEA $5有交易！

最近網上瘋傳一張BALENCIAGA最新一季嘅手袋圖，特大長方袋形，用上全海軍藍色，袋身仲有兩條唔同長度嘅手柄；小編愈望愈覺得似曾相識，原來與家具店IKEA嘅環保手挽袋撞款撞到應一應！

兩款手袋嘅最大分別，就係IKEA環保袋係用尼龍物料，而BALENCIAGA個款係全羊皮，Made in Italy！矜貴咁多，價錢都當然差天共地啦！BALENCIAGA tote bag定價約港幣$ 17,000，而IKEA環保袋 $5就有交易了！沒錢或唔捨得買BALENCIAGA，其實可以入手IKEA環保袋玩下！

其實今次已經唔係時尚界第一次用平民風格作設計靈感，BALENCIAGA上季已經推出左一款與本土產物紅白藍膠袋 100% Match嘅袋款。

唔理你buy唔buy，不過咁高調又具話題性嘅款式，一推出就贏左噱頭，好似潮人杜如風、阿徐都有入手一個！

LOUIS VUITTON 係幾年前都推出過一款紅白藍手袋，同港產紅白藍相比，只係多左個 LV 印章圖案咋！