【編輯遊記】帶你走訪墨爾本最時尚的打卡點！

墨爾本最近真係好紅，皆因胡說八道一班姊妹日前就出發澳洲拍攝旅遊節目，取景選擇了墨爾本！編輯剛剛都去了一趟墨爾本之旅，今次就同大家分享下呢個南半球城市有咩最時尚嘅打卡點喇！

Hosier Lane

墨爾本市內最具藝術氣息的地方，更被著名旅遊網Lonely Planet選為澳洲必去的旅遊點之一！Hosier Lane 除左係當地潮人和遊客的聚居地，仲係影結婚照的熱門地方！牆上滿鋪獨特而有意思的塗鴉，拍時尚穿搭照就最適合，編輯當然唔會放過呢個機會喇！連胡說八道會都有去朝聖架！

https://www.instagram.com/p/BXW6yriAo-6/?taken-by=jasxcheung

Brighton Beach

沙灘上排滿夢幻的彩虹小屋，以前係當地漁夫們拿來停小船的船屋，而家就變左係潮人影打卡照的背景！除左小木屋吸引，呢個沙灘嘅海水係墨爾本市內數一數二的清澈，夏水來這裡仲可以落水暢泳，只可惜編輯是冬天到訪......

https://www.instagram.com/p/BXNRk0YFD2C/?taken-at=1014767554

Middletown Cafe

咖啡文化係澳洲人生活中不可缺少的元素，如果要編輯選一間墨爾本市內最時尚的cafe，我會推介你去呢間主打皇妃Kate Middleton時尚簡約風格的Middletown Cafe！全店裝潢以雲石和英國皇家海軍藍色為主調，簡約又優雅，食物的present、甚至咖啡的紙杯都很有格調，打卡呃like真係一流！

Grown Alchemist

最後想推介一個編輯大愛的澳洲護膚品牌GROWN ALCHEMIST，價位雖然屬中高檔，不過品牌主打以純天然有機草本植物為成分，用得放心，香味也很舒緩，值回票價；簡約又型格的包裝也絕對是編輯的菜！在墨爾本的各大百貨公司如Myer、David Jones都設有專櫃；不過未有機會前往澳洲的話，香港都有得賣！日前GROWN ALCHEMIST已經率先登陸太古城的誠品生活和時尚精品店KAPOK，大家在港都可以體驗來自澳洲的高科技護膚！