識貨唔識著！G.E.M. logo tee造型嚇親全宇宙

向來有「時裝車禍」之稱嘅G.E.M.，無論係演出服飾定私下穿搭，都經常以爆炸性又夠晒突破嘅造型示人，嚇親全宇宙！

尋日G.E.M.就被人影到佢係日本街頭同一名男子手拖手行街街，不過網民就似乎唔太關心呢名男子係邊位，反而對阿G.E.M.當日嘅打扮更有興趣！

大家都知道GUCCI嘅logo tee和YEEZY Boost波鞋係今季不可缺少嘅潮物，不過識貨唔識著嘅G.E.M.將呢兩件熱爆items放晒上身，唔單只無潮到，仲顯得身長腳短，比例唔靚，又將象腿呢個缺點表露無遺，成件事錯晒啊！

其實logo tee+牛仔褲+波鞋呢個組合係ok架，不過有兩點要注意：

1. 要tuck-in咁著，因為logo tee嘅款式通常都係vintage兼oversized，加上亞洲人身型比較矮小，唔束衫就會好易變成55身！

2. 要配高腰設計嘅下身單品，將腰線拉高，咪可以增長下身比例囉！

講多無謂，一齊睇下一眾時尚達人嘅示範啦！

同樣擁有呢件GUCCI logo tee嘅本地時裝教母徐濠縈和知名博客Chiara Ferragni，就分別以高腰長褲和皮裙配襯呢件衫，束起咁著就算著左平底鞋都唔覺腿短！

今季D名人當制服咁著嘅logo tee仲有DIOR呢兩件，唔想好似G.E.M.著迷彩褸咁臃腫，可以揀番D修身款嘅西裝外套，學孔曉振咁著長裙仲可以修飾腿形添！

CHANEL呢件tee都係今季hit爆嘅款式，無論係明星定時裝騷中model都係揀高腰單品配襯和tuck-in咁著，證明只要肯花心思係細節上，整個total look就會很不一樣！