黑色款out咗喇！外國流行仙氣漁網絲襪

潮流嘅野真係估佢唔到啊！今季一直被人覺得MK味濃嘅漁網襪突然彈起，歐美女星如Gigi Hadid和Kendall Jenner都非常熱捧漁網絲襪配爛牛嘅造型，重點是腰身要露出襪褲頭，顯瘦得來又能耍一下小性感！

也衍生出漁網短襪配波鞋、涼鞋、loafers嘅配搭，同樣有型！

不過以上穿搭都只限酷帥風格的女生，放在girly的女生身上，太格格不入啦！有見及此，紐約的手作達人Lirika Matoshi 就將清新、夢幻的花花元素加入漁網絲襪，仙氣十足而且好有立體感，完全顛覆左大家對魚網絲襪的印象！

白色小雛菊嘅設計簡約又有可愛感，好岩春夏造型。

用綠色珠珠整成嘅漁網絲襪好有森林精靈嘅感覺，小編就立即諗起Tinker Bell啦！