陳偉霆穿「小龍蝦」衫出席活動 網民：咁似魚蝦蟹遊戲紙！

近年北上搵人仔的陳偉霆，由「而我不知道陳偉霆是誰」，到「人人都知道陳偉霆是誰」，呢個翻身可謂的士業界... 啊唔係... 係娛樂圈嘅一大傳奇！日前呢位大紅人係內地出席電視劇《醉玲瓏》發布會時，上身穿了一件印有「小龍蝦」圖案的襯衫登場，內搭一件白T恤，下身再搭配寬鬆的條紋褲，造型突出，引起網友熱烈討論！

呢個total look原來係來自LANVIN！不過William嘅演繹 (可能佢身型比較健碩)，同原本品牌model穿起來想呈現的斯文書生feel，好似有D出入。

有網友笑言，William疑被前特首夫人的時裝品味啟發，也有人話William呢身造型令人聯想起「魚蝦蟹」的遊戲紙！

同場仲有電視劇的女主角劉詩詩，穿起 RED VALENTINO 2017早秋的絲絨波點短洋裝，衣服是超有氣質的，不過劉詩詩這個短髮造型，是剛睡醒、剛淋完雨、還是戴了假髮嗎？編輯真是傻傻分不清......