邊個仲敢笑我iPad胸？呢件背心嘅發明簡直係「貧乳福音」！

講到身材，女仔最緊張嘅，除左係條腰和條腿，就係事業線啦！不過身材呢D野真係天生⋯⋯無得強求！小編非常明白平胸女生成日俾人話「飛機場」和「iPad」個種感覺，雖然口裡說著「I don't care」，但身體卻很誠實，見到D女神成日可以著小背心大曬事業線，心裡還是會默默地葡萄人地！

嗱，小編就唔建議去隆胸嘅，但係加墊升cup又會好唔自然，想偶然FF下自己都擁有女神般嘅身材，唔洗上淘寶、亦唔洗去深水埗，日本呢個3D背心，就幫到你啦！

圖片來源：Twitter @kuloujilili

呢件背心就係利用格仔和弧度，印成胸前有兩個位突起左嘅錯覺，帶俾人視覺上的巨乳衝擊，睇下model嘅示範，著起個效果真係自然得黎又零負擔喎！

唔想咁刻意呢，其實都可以靠時裝去修飾身材嘅，好似經常被網民抨擊身材欠睇頭嘅 Heidi、阿Sa、Sammi，著多D有荷葉邊、胸前有立體剪裁細節、具飄逸感嘅上衣，都可以塑造上圍升cup嘅效果！

不過人比人始終會比死人嘅，有人覺得上圍豐滿會玲瓏浮突D，但平胸著衫又會靚D、carry到多D風格喎，各有各好啦，最緊要活得自在和健康，你話係咪先？