網紅超模爭住戴 3款今季最潮手表！

一個女生有冇品味，睇下佢手上佩戴嘅手表款式就知道！而家揀手表已經唔再淨係講究實際功能，表款可唔可以襯到自己嘅穿搭風格，提唔提升到 Total Look 嘅時尚感都好重要！今季有幾款裝飾與實用兼備嘅心水推介，你識揀啦！

DANIEL WELLINGTON Classic Petite 系列腕表

深受年輕人愛戴嘅 DANIEL WELLINGTON 今季為 Classic Collection 系列4 個新款「Classic Petite」，設計以精緻為主，金屬系表帶配搭標誌性嘅圓形表面，既時尚又易襯，加上有幾位近年超紅的 model Kendall Jenner、Lucky Blue Smith 和 ROLA 加持，係今季手表 wishlist 嘅 No.1 啊！

FOSSIL 2017春夏系列

鐘意高貴大方嘅款式，FOSSIL 呢款 Atwater 海軍藍皮革腕表就係品味女性嘅首選，玫瑰金色長方型表殼，配襯柔軟的海軍藍色皮革，設計好有華麗嘅 high end 感覺，做到「表飾合一」嘅效果；而 Q Modern Pursuit 矽膠表帶智能腕表就有女士們嘅白色配玫瑰金色，適合嘅走知性氣質風嘅 OL 們！

GUESS 純白腕表系列

正在尋找一款百搭表款的話，GUESS 今季呢款腕表就岩晒你，純白設計夠晒簡約，百搭又不失時尚，無論係悠閒穿搭、可愛路線或運動風格，都能輕鬆駕馭。