advertisement
記得細個放學返屋企，第一時間一定係打開電視睇百變小櫻，每次見到知世幫小櫻相，都會覺得佢啲衫好靚！不過小編最鍾意都係佢哋套校服～藍白水手風令人好想擁有啊！
要輕鬆駕馭呢種風格嘅校服，確實係需要多少少青春同勇氣，不過如果想小試牛刀，今次機會來了！《百變小櫻》今次同日本品牌Rydia合作，推出2款少女味十足嘅袋：
今次嘅重點一定係呢個星之杖背嚢（12,960円），顏色設計都令人諗起小櫻身穿嘅校服，再加上精緻嘅刺繍，平時出街都唔會突兀，仲好有風格添！
而呢個粉紅色嘅基路仔小物袋（6,469円），印上櫻之咭圖案，平時裝下電話、鑰匙，細細個拎住出得街，好方便呢～
呢兩款產品預計將於9月下旬至10月上旬出貨，銷售點包括WORLD WIDE LOVE!、Rydia店鋪等，粉絲們記得捕住喇～
圖片來源：Rydia官網
