網民熱議：點解港女係都要拎個廢袋，再加個無印良品MUJI黃麻袋？

近來流行迷你小手袋，不少女生出街都孭著一個可愛又時尚的迷你手袋，遇上有雜物要拿出街的時候，都會配備一個無印良品（Muji）麻布環保袋，以備不時之需。有網民在連登討論區討論：「點解港女係都要拎個廢袋，再加個無印良品MUJI黃麻袋？」引起不少爭議。

無印良品推出的人氣麻布環保袋無論在日本還是其他亞洲地區一向大受歡迎，只因有質感，實用性高，價錢又實惠。麻布環保袋一共有B5、A4、A3三個尺寸可以選擇，這款麻布環保袋使用印度黃麻布製成，袋型堅挺耐用，加上米白色的粗麻手挽，簡約設計充滿文青feel又易配搭，加上麻布環保袋的設計外型正正是長方形，不少人都認為它是「平版Dior Book Tote」！

有連登網民覺得不解港女特別鍾意用這款無印良品麻布環保袋，表示：「明明多嘢拎，格硬要攞個廢袋出街如果係為咗襯衫，其實拎埋個十蚊黃麻袋一啲都唔好睇！呢幾日見到好多女人都係咁，個黃麻袋仲用到變形，爛爛殘殘，好心咁平就換過一個，真係好寒酸！」

但有網民就力撐港女，表示：「港女拎咩關你咩事，你無非都係想我哋拎紅白藍袋啫！」更有人理性分析，一般名牌手袋都較重：「名牌袋好重，為咗要拎重野買大啲個袋好搵笨，muji又平又裝到野又輕又好襯。」其實拎大袋還是迷你袋最緊要適合自己，自己拎得方便輕鬆，不必介意他人目光。