潮牌Tee穿出淘寶味 G.E.M.造型極似小學雞

每年5月，一眾五迷的指定動作就是要赴五月之約，去看五月天演唱會，而尋晚個場，宇宙漿就係其中一位座上客，睇騷之餘仲入埋後台同五月天合照！一如概往，G.E.M. 繼續將一堆潮牌放晒上身，slogan cap帽配slogan tee，本來就係好穩陣嘅組合，不過G.E.M.一po相，網友就留言揶喻話似小學雞！

望真D，阿漿將件tee tuck-in咁著，本來是正路的穿法，不過佢將褲頭拉到極高，下身以一條側面有條子嘅運動褲，真係好似小學時去秋季旅行個look⋯⋯

點解唔索性將件oversized tee當裙咁著，以G.E.M.嘅高度和身型，絕對carry到，兼著得好看過今次呢套！

呢件MOSCHINO tee盛惠HK$3,400，不過就被網友話佢著出HK$34淘寶國貨的效果。

好彩今次G.E.M.只係在後台同五月天合照，無好似上次Black Eyed Peas係Dragonland Music Festival演唱時衝上台騎劫左人地個表演，總算不幸中之大幸！